ଦୁଇଟି ଅକ୍ଷର ରେ ଗଢ଼ା ଏଇ ଛୋଟିଆ ଶବ୍ଦରେ ଭରା
ସୀମାହୀନ ଅନନ୍ତ ଅସୀମ ସୃଷ୍ଟିର ସମ୍ଭାର
ଏଇ ଶବ୍ଦ ବିନା କି ଗଢ଼ା ହୋଇପାରିବ
ଏକ ଦୁବ ପ୍ରାଣ କରୁଣା ନିର୍ଝର ।
ସବୁକିଛି ମଧୁମୟ ସବୁଜ ଶ୍ୟାମଳ
ରଙ୍ଗ ବୋଳି ଆସୁଥାଏ ସୂକ୍ଷ୍ମ
ଚେତନାରେ... ଆଉ ଥରେ ତା'ର
ଛୁଆଁ ପାଇଗଲେ ବିଶାଳ ଏ ରତ୍ନଗର୍ଭା ବି
ଧନ୍ୟ ହୋଇଯାଏ ଜ୍ଞାନ ବିଜ୍ଞାନ କୋଳରେ ।
ଶ୍ରଦ୍ଧାର ପଞ୍ଜୁରୀ ଦ୍ୱାର ଦେଲେ ଖୋଲି
ନର ପଶୁପକ୍ଷୀ ଠାରୁ କୀଟ ତରୁଲତା
ଆବେଗରେ ଧାଇଁ ଆସି
ମନ ହୃଦୟକୁ ସମର୍ପଣ କରି
ଭୁଲିଯାନ୍ତି ନିଜକୁ ସୁଖଶାନ୍ତିର
ନଉକାରେ ବସି ।।
ଅମୂଲ୍ୟ ଏ ଶ୍ରଦ୍ଧା ହାର ଈଶ୍ୱରଙ୍କ
ଇଙ୍ଗିତରେ କାଲି କଳି ଆଜି ଫୁଲ
ଶ୍ରଦ୍ଧା ହାତ ଧରିଚାଲେ ଶ୍ରଦ୍ଧା ଜିଣେ
ହୃଦୟକୁ ଶରଧାରେ ଶ୍ରୀକ୍ଷେତ୍ରରେ
ଧୂଳିଟିକେ ଏ ଦେହରେ ବୋଳିବାକୁ ।।
ଦୀପ୍ତି ଦେବଦର୍ଶିନୀ ସୁତାର
ଓରାଳି ,ହାଟଡିହୀ,କେନ୍ଦୁଝର -758083
No comments:
Post a Comment