ସୁଜ୍ଞାନୀ ବିନ୍ଧାଣୀ

ଆଜି ପବିତ୍ର ବିଶ୍ବକର୍ମା ପୂଜା ଉପଲକ୍ଷେ ମୋର ସମସ୍ତ ସାରସ୍ବତ ସ୍ରଷ୍ଟା ଙ୍କୁ ସହୃଦୟ ଶୁଭେଚ୍ଛା ସହ ଅଭିନନ୍ଦନ ଜଣାଉଛି ।

 ✍ତାପ୍ତିମୟୀ ପଣ୍ଡା ମିଶ୍ର

ହେ ବିଶ୍ବ ଦେବତା ବିଶ୍ବକର୍ମା ବାବା

ବ୍ରହ୍ମାଙ୍କ ସୁପୁତ୍ର ପ୍ରଭୁ 

କନ୍ୟା ସଂକ୍ରାନ୍ତିରେ ଜନ୍ମିଲେ ଆପଣ 

ତବ କୃପା ମର୍ତ୍ତେ ଲଭୁ ।।

ଦୁଃଖିଜନ ଦୁଃଖ କରହେ ତାରଣ 

ଗଜ ପୃଷ୍ଠେ ଉଭା ହୋଇ 

ଗଢିଦିଅ ତୁମେ ଭଙ୍ଗା ମନଟିକୁ 

ଆଶିଷ ତୁମର ଦେଇ ।।

ଯନ୍ତ୍ରୀ ତୁମେ ଅଟ ପ୍ରେରଣା ଦାୟକ 

ଅପରୂପ କାରିଗର 

କ୍ଷଣିକରେ ଗଢି ଦେଲ ସ୍ବର୍ଣ୍ଣମୟୀ

ଉଆସକୁ ଲକ୍ଷ୍ମୀଙ୍କର ।।

ଅକର୍ମର କର୍ମ ଦାନୀ ବୋଲାଅ ହେ 

କରୁଛି ମୁହିଁ ପ୍ରାର୍ଥନା 

ଆଶିର୍ବାଦ ଦେଇ ଯୋଡି ଦିଅ ପ୍ରଭୁ 

ଭଙ୍ଗା ହୃଦୟକୁ ସିନା ।।

ସୁନା ଘରଟାକୁ ଚୂନା ହେବା ଆଗୁ 

ଯୋଡି ଦିଅ ପ୍ରେମ ଭରି 

କରହେ ସୁଦୟା ସୁଜ୍ଞାନୀ ବିନ୍ଧାଣୀ 

ସର୍ବ ଦୁଃଖ ଦୂର କରି ।।

ଜୟ ଜଗନ୍ନାଥ ।🙏🙏🌹🌹