ଆଞ୍ଜୁଳାଏ ଶବ୍ଦ

 ✍ସନ୍ତୋଷ କୁମାର ସାହୁ 

ହେ କବିବନ୍ଧୁ 

ପାରିବିନି ତୁମସାଥେ 

ଆସିଛି ମୁଁ ଖାଲି ହାତେ 

ଅନୁସରି  ତୁମ ପଥେ l

ସତ୍ୟରୁ ତ୍ରେତୟା 

ତ୍ରେତୟୁ ଦ୍ୱାପର 

ଆହେ ମର୍ତ୍ତ୍ୟ ରୂପକାର 

ବିନା ଆହୁଲାରେ ସତେ 

ତୁମ୍ଭେ ପାରିକର l

ଯଦି ପାରିବ ହେ କବି 

ଆଞ୍ଜୁଳାଏ ଶବ୍ଦ ମୋତେ ଦିଅ 

ଗଢିବି ମୁଁ ଶବ୍ଦ ଘର  l

ତୁମେ ଯେ ଆଲୋକ ବର୍ତ୍ତିକା 

ଯଉବନ ବତୀଘର 

ତଵ  ସ୍ନେହାଶିଷେ  

ଆଲୋକିବ ଶବ୍ଦର ସହର l

ହେ କବି 

ପାରିବିନି ତୁମ ସାଥେ 

ସୂର୍ଯ୍ୟ ତୁମେ, 

ଆହେ ଦୀନବନ୍ଧୁ 

ଅଟ ତୁମ୍ଭେ ଶବ୍ଦଘର ସିନ୍ଧୁ 

ଆଞ୍ଜୁଳାଏ ଶବ୍ଦ ମୋତେ ଦିଅ 

ଯୋଡିବି ମୁଁ ପ୍ରତି ଶବ୍ଦ ବିନ୍ଦୁ l

ପୂରିଯିବ ମୋ ଖାଲି ଅଞ୍ଚଳ 

ତୁମ ବଳେ ଲଙ୍ଘିଯିବି 

ନଦୀ ଗିରି ନାଳ l

ହେ କବି ଧନ୍ୟ ହେ ପାଣ୍ଡିତ୍ୟ 

ତୁମ କରଣୀ ଧାରରେ 

ଶବ୍ଦ ଗ୍ରନ୍ଥି ହେବ ମୋ ଶାଣିତ 

ଅଧାଗଢ଼ା ଶବ୍ଦ ସଜାଡ଼ିବ 

ତୁମରି ନିହାଣ ମୁନରେ l

ହେ ଦରଦୀ ବନ୍ଧୁ 

ପୋଛିଦିଅ ମୋ ଆଖି ଅଳନ୍ଧୁ 

ଦେଖିବି ଦୁନିଆ 

ଭିନ୍ନ ଏକ ନେତ୍ରେ 

ଶବ୍ଦ ଶବ୍ଦରେ ପୁଲକ 

ଆଖି ପଲକରେ l

ହେ କବି ପାରିବିନି ତୁମ ସାଥେ 

ବଳିଯିବିନି ତୁମକୁ 

ଖାଲି ମାଗୁଣି ଏତିକି 

ଆଞ୍ଜୁଳାଏ ଶବ୍ଦ ମୋତେ ଦିଅ 

ଗଢିବି ମୁଁ ଶବ୍ଦର ପ୍ରାଚୀର 

ଯେଉଁଥିରେ ଥିବ ସଦା 

ଅତ୍ମୀୟତା ବୋଳା ରଙ୍ଗର 

ତୁମରି ସ୍ଵାକ୍ଷର l

**----*****

ସନ୍ତୋଷ କୁମାର ସାହୁ 
ଚି଼ର୍ମl, ନବରଙ୍ଗପୁର