ଆଜି ପବିତ୍ର ପ୍ରଥମାଷ୍ଟମୀ ପର୍ବ
ଉପଲକ୍ଷେ ସମସ୍ତଙ୍କୁ ମୋର ଶୁଭେଚ୍ଛା
ଓ ଅଭିନନ୍ଦନ ।
ପରିବାରର ବଡ଼ ପୁଅ କିମ୍ବା ଝିଅ
ପାଇଁ ଏହି ପର୍ବ ପାଳନ କରାଯାଏ ।
ତେଣୁ ବଡ଼ ମାନେ ବଡ଼ ବଡ଼
କାମ କରି ଦେଶ ଓ ଦଶର ଯଶ
ରଖିବା ସଙ୍ଗେ ସଙ୍ଗେ ସମସ୍ତଙ୍କର
ଚିର ସ୍ମରଣୀୟ ହେଲା ଭଳି କାମ
କରି ଯାଆନ୍ତୁ ।
କବିସୌରଭ କୈଳାଶଚନ୍ଦ୍ର ବେହେରା
💐 ପ୍ରଥମାଷ୍ଟମୀ 💐
କବିସୌରଭ କୈଳାଶଚନ୍ଦ୍ର ବେହେରା
ପ୍ରଥମ ସନ୍ତାନ ଘରକୁ ଆସିଲେ
ସମସ୍ତଙ୍କ ମନ ଖୁସି ,
ପୁଅ ଜଗନ୍ନାଥ ଝିଅକୁ ମା' ଲକ୍ଷ୍ମୀ
ଆସିଲା କହନ୍ତି ହସି ।
ସ୍ନେହ ଆଦରରେ ବଢ଼ାଇ ଥାଆନ୍ତି
ବାପା ମାଆ ଯତନରେ ,
କେଉଁଥିରେ ହେଲେ ହେଳା ନ କରନ୍ତି
ରଖିଥାନ୍ତି ଅନନ୍ଦରେ ।
ପ୍ରଥମ ସନ୍ତାନ ପାଇଁ ଏକ ପୂଜା
କରନ୍ତି ପ୍ରତି ବରଷ ,
ଘରେ ଘରେ ଏହା ପାଳନ କରନ୍ତି
ଏଇ ମାର୍ଗଶୀର ମାସ ।
ପ୍ରଥମାଷ୍ଟମୀ ନାମରେ ଜଣାଶୁଣା
ଓଡ଼ିଆ ସ°ସ୍କୃତି ଏହା ,
ଅଷ୍ଟମୀରେ କରିଥାନ୍ତି ଲୋକେ ତେଣୁ
ବିଧାନ ରହିଛି ଯାହା ।
ଶନିବାର ଆଉ ସତେଇଶ ତାରିଖେ
ପ୍ରଥମାଷ୍ଟମୀ ପଡ଼ିଛି ,
ମଘା ନକ୍ଷତ୍ର ଓ ସି°ହ ରାଶି ପୁଣି
ଏହିଦିନେ ପଡ଼ିଅଛି ।
ଠାକୁରଙ୍କୁ ପୂଜା ଅର୍ଚ୍ଚନା ସାରିଲେ
ନୂଆ ପୋଷାକ ପିନ୍ଧାଇ ,
ବନ୍ଦାନ୍ତି ପ୍ରଥମ ପୁଅ କିମ୍ବା ଝିଅ
ପିଢ଼ା ଉପରେ ବସାଇ ।
ହଳଦୀ ପତ୍ରରେ ପିଠାକରି ତାଙ୍କୁ
ପ୍ରଥମେ ଖୁଆଇଥାନ୍ତି ,
ତା'ପରେ ଘରର ସମସ୍ତ ସଦସ୍ୟ
ଆନନ୍ଦେ ବସି ଖାଆନ୍ତି ।
ଓଡ଼ିଶାର ଏହା ପରମ୍ପରା ଅଟେ
ମାନନ୍ତି ସକଳଜନ ,
ଯିଏ ଯେଉଁଠାରେ ରହିଥାଉ ପଛେ
ଆନନ୍ଦ ସଭିଙ୍କ ମନ ।
----------------------------------------
ବାଲିଗୁଡ଼ା , କନ୍ଧମାଳ
