କବିତା ଶୀର୍ଷକ- ପ୍ରଥମାଷ୍ଟମୀ
!!!!!!!!!!!!!!!!!!!!!!!!!!!!!!!!!!!!!!!!!
ପ୍ରଭାତ କୁମାର ମଲ୍ଲିକ
××××××××××××××
ମାର୍ଗଶୀର କୃଷ୍ଣ ଅଷ୍ଟମୀ ତିଥିରେ
ପ୍ରଥମାଷ୍ଟମୀ ପରବ,
ଗ୍ରାମରୁ ସହର ଗୃହରୁ ମନ୍ଦିର
ଖୁସିରେ ପାଳେ ମାନବ ।।
ଉତ୍କଳ ପ୍ରଦେଶେ ଜଗନ୍ନାଥ ଧାମେ
ପ୍ରଥମାଷ୍ଟମୀ ପରମ୍ପରା ,
ଜଗତ ମଧ୍ୟରେ ସବୁଠୁ ନିଆରା
କୁହନ୍ତି ଦୁନିଆ ସାରା ।।
ଓଡ଼ିଆ ଘରର ପ୍ରଥମ ସନ୍ତାନ
ପୁତ୍ରୀ ହେଉ ଅବା ପୁତ୍ର,
ମାମୁଁଘର ଠାରୁ ତାଙ୍କରି ପାଇଁକି
ଆସଇ ନୂତନ ବସ୍ତ୍ର ।।
ସକାଳୁ ସକାଳୁ ସ୍ନାନ ଶୌଚ ସାରି
ନୂତନ ବସ୍ତ୍ର ପିନ୍ଧଇ ,
ଇଷ୍ଟ ଦେବ ଆଉ ଷଷ୍ଠୀ ଦେବୀଙ୍କୁ ସେ
ଆନନ୍ଦ ମନେ ପୂଜଇ ।।
ଶୀତ ସମୟରେ ଶରୀର ପାଇଁକି
ହଳଦୀ ତ ଉପକାରୀ,
ସେଥିପାଇଁ ମାଆ ହଳଦୀ ପତରେ
ଗଢଇ ପିଠା ଏଣ୍ଡୁରୀ ।।
ଝୋଟି, ମୂରୁଜରେ ମାଆ ଭଉଣୀଏ
ସଜାନ୍ତି ଆମ ଘରକୁ,
ଜାତି ଜାତି ଫୁଲ ପକ୍ଷୀ ଓ ପଶୁର
ଚିତ୍ର କରନ୍ତି ମନକୁ ।।
ଶିବପୁର, ଧାମନଗର, ଭଦ୍ରକ
(ରାଇଘର, ନବରଙ୍ଗପୁର)
No comments:
Post a Comment