Saturday, November 27, 2021

ପ୍ରଥମାଷ୍ଟମୀ

 ଡ. ପ୍ରିୟମ୍ବଦା ସାମଲ

ଉତ୍କଳୀୟ  ସଂସ୍କୃତି ପରମ୍ପରାର
ଆଦର ଅଟଇ ସରବ
ମାର୍ଗଶୀରର କୃଷ୍ଣ ଅଷ୍ଟମୀ ଅଟେ
ପ୍ରଥମାଷ୍ଟମୀ ପରବ।
ପ୍ରଥମ ସନ୍ତାନ ପଢୁଆଁ ହୁଅନ୍ତି
ନୂତନ ବସ୍ତ୍ରକୁ ପିନ୍ଧି
ପିଢାପରେ ବସି ପୂଜା ହୋଇଥାନ୍ତି
ଏ ଅଛି ଆମର ବିଧି। 
ମାମୁଁ ମାଇଁ ଆଣନ୍ତି ନୂତନ ବସ୍ତ୍ର
ପ୍ରଥମ ଭଣଜା/ଭାଣିଜୀ ପାଇଁ
ଅତ୍ଯନ୍ତ ଖୁସିରେ ଘର ଉଛୁଳଇ
ସତେକି ସରଗ ଭୂଇଁ। 
ଶୀତରେ ହଳଦୀ ରୋଗ ପ୍ରତିରୋଧ
ଦେହପାଇଁ ହିତକାରୀ
ହଳଦୀ ପତ୍ରର ଏଣ୍ଡୁରି ପିଠାର
ଶରୀର ପାଇଁ ଜରୁରୀ। 
ନଡିଆ ଛେନା ଖସାଏଣ୍ଡୁରି ପିଠା
ବାସ୍ନା ଅଟେ ଆକର୍ଷଣ
ମିଠା ମିଠା ତାର ସ୍ବାଦରେ ସତେ
ପୁରିଉଠେ ମନ ପ୍ରାଣ। 
ଜ୍ଯେଷ୍ଠ ସନ୍ତାନକୁ ଆଶିଷର ବାରି
ଦେଇଥାନ୍ତି ଗୁରୁଜନେ
ଆଶୀର୍ବାଦ ନେଇ ପ୍ରଥମ ସନ୍ତାନ
ପ୍ରଣମନ୍ତି ଖୁସି ମନେ। 
ଭୁବନେଶ୍ୱର।

No comments:

Post a Comment

Disclaimer

For all support related issues or to reach our team, Please check below details.
Ph. +91 8668656155 | contact@spreadhappiness.co.in | Link : https://www.facebook.com/spreadhpy