# ନିଧି ସାହୁ #
(୧)
ଗଙ୍ଗଶିଉଳିର ଭୁରୁ ଭୁରୁ ବାସ
ଝାପ୍ସା ଝାପ୍ସା ବସନ୍ତ ଆସରରେ
ହାଲ୍କା ହାଲ୍କା ମଳୟ ପରସ
ଥିରି ଥିରି ଶିରି ଶିରି ହାଓ୍ୱା
ଭରିଦିଏ ତନୁମନେ ଶୀତଳ ସମୀର ପରଶ
ଥଣ୍ଡା ଥଣ୍ଡା ପାଣିରେ ଦେହ ଭାଂଗେ ଅଳସ
(୨)
ଧୂଳି ଧୁଆଁ ଧୂସରିତ ଘନ କୁହୁଡିରେ
ଲୁଚି ଲୁଚି ଯାଏ ଜହ୍ନର ଜୋଚ୍ଛନା
ଫୁଲ ବଗିଚାରେ,ଘାସ ଗଲିଚାରେ ଝରିଯାଏ ମୁକୁତାର ପ୍ରୀତି ଭରା ବାସନା
ଓଦା ଆଖିର ମିଠା ସପନ ଗାଏ ଗୀତ
ପ୍ରୀତିର ଲଗନେ କରେ ଆପଣା ଆପଣା
ସମୟର ଗଡାଣି ଉଠାଣିରେ
ଜୀବନ ପାଏ ସରସେ ମୁହୂର୍ତ୍ତେ ଯନ୍ତ୍ରଣା।
(୩)
ଶିଶିର ଚାଦର ତଳୁ
ପରଦା ହଟେଇ ରବି ମୁହଁ ଝଲସେ
ଯୂଇ ଯାଇ ମଲ୍କୀ କଇଁ
ଗେଣ୍ଡୁ ମାଳତୀ ଚମ୍ପାରେ ମହମହ ବାସେ
କେତେ ଯେ ମୂରୁଜେ ହସେ
ଦେବାଳୟ ପୁଣି ଚଉରାମୂଳ
ଟୋପା ଟୋପା ଶିଶିର ବିନ୍ଦୁଙ୍କ ମଉଜେ
ମହକେ ଶୀତର ସୁନେଲି ସକାଳ
ଅଳସେ ଅଳସେ କଅଁଳ, କଅଁଳିଆ ଖରା
ମନକୁ ନିଏ ଧିରେଧିରେ ମୋହି
ନୀରବି ଯାଏ ରଜନୀ ଥଣ୍ଡାର ଆଘାତେ
ନୀରବେ କଳାବାଦଲ ଘୋଡିହୋଇ
ଦିଗବଳୟରେ ହଜେ ଘନ ଧୂଆଁ ସବୁ
ଅଦ୍ଭୂତ ତାତିର ପ୍ରୀତି ପାଇ
ଅଭୁଲା ସ୍ମ୍ରୁତି ର ଅମର ଗୀତକୁ ଗାଇ।
*****************************
ସରାଟ, ବାଲିପାଟଣା,ଭୁବନେଶ୍ୱର
No comments:
Post a Comment