କାଳିଦାସ

ଅରୁଣ କୁମାର ମହାପାତ୍ର

ଭାରତର ସର୍ବୋତ୍ତମ କବିଗଣେ

ଥିଲ କବି ଅନ୍ୟତମ

ଦୂରଦୃଷ୍ଟି ଯୁକ୍ତ ଚିନ୍ତାଧାରା ଥିଲା

କାଳିଦାସ ଅଟେ ନାମ।

କାଳିଦାସ ନାମ ଆକ୍ଷରିକ ଅର୍ଥ

ମାଆ କାଳୀଙ୍କ ସେବକ

ଜନମାନସରେ ଅଛି ଏ ବିଶ୍ୱାସ

ଥିଲ ବଡ ଉପାସକ।

ଅନନ୍ୟ ବର୍ଣ୍ଣନ ଅନୁରୂପ ଛନ୍ଦ

ସଙ୍ଗୀତ ହେଉଛି ମୁଖ୍ୟ

ସାହିତ୍ୟରେ ଜ୍ଞାନ ପ୍ରତିଭାରେ ପୂର୍ଣ୍ଣ 

ଅବର୍ଣ୍ଣନୀୟ ଅସଂଖ୍ୟ।

ବିକ୍ରମାଦିତ୍ୟଙ୍କ ରାଜଦରବାରେ

ଥିଲ ନବରତ୍ନେ ଏକ

ଶୈଶବ କାଳରେ ଥିଲ ଅଶିକ୍ଷିତ

ପରେ କବି ଦାର୍ଶନିକ।

ଅଗାଧ ପାଣ୍ଡିତ୍ୟେ ସେ ରାଜକୁମାରୀ

କନ୍ୟା ନାମେ ବିଦ୍ୟୋତ୍ତମା

ବିତର୍କର ସର୍ତ୍ତେ କରି ପରାଜିତ

କରିଥିଲ ପ୍ରିୟତମା।

ପାଇ ଅପମାନ ନିଜ ପତ୍ନୀ ଠାରୁ

ଗୃହତ୍ୟାଗୀ ହୋଇ ଦିନେ

ସାହିତ୍ୟ ସାଧନା ମାଆଙ୍କ ଆଶିଷେ

ପରିଚିତ ଜ୍ଞାନୀ ଗଣେ।

ମହାକାବ୍ୟ ଅବା ପ୍ରସିଦ୍ଧ ନାଟକ

ଥିଲା ଅଛି ଅଦ୍ୱିତୀୟ

ହେ ମହାନାୟକ କବି ନାଟ୍ୟକାର

ଜ୍ୟୋତିଷ ଶାସ୍ତ୍ର ବି ପ୍ରିୟ।

ବୈଜ୍ଞାନିକ ଅଧିକାରୀ

ଅଶ୍ୱପୁରମ, ତେଲେଙ୍ଗାନା

(ପ୍ରତାପପୁର, ଗଞ୍ଜାମ)