Saturday, November 27, 2021

ପ୍ରଥମାଷ୍ଟମୀ


        *ବାସନ୍ତୀ ଲତା ଜେନା*

ପ୍ରଥମାଷ୍ଟମୀ ମାର୍ଗଶିର ମାସେ
       କୃଷ୍ଣ ପକ୍ଷରେ ପଡଇ
ଓଡ଼ିଶାର ପର୍ବ  ପଢ଼ୁଆଁ ଅଷ୍ଟମୀ
       ପ୍ରଥମ ସନ୍ତାନ ପାଇଁ        l୧l

ପୁଅ ହୋଇଥାଉ ଅବା ଝିଅ ହେଉ
       ନୂଆ ବସ୍ତ୍ର ପିନ୍ଧି ଥାନ୍ତି
ପିଢାରେ ବସାଇ ଧୂପ ଦୀପ ଜାଳି
       ଜନନୀ ବନ୍ଦାଇ ଥାନ୍ତି      l୨l

ହଳଦୀ ଚାଉଳ ମସ୍ତକେ ପକାନ୍ତି
      ଶୁଭ ମନାସିଣ ଥାନ୍ତି
ପୂର୍ଣ୍ଣ କୁମ୍ଭ ତଳେ ପଞ୍ଚ ଶସ୍ୟ ଧାନ
       ପଞ୍ଚ ପଲ୍ଲଵ ରଖନ୍ତି      l୩l

ଷଠୀ ଦେବୀଙ୍କୁ ତ ପୂଜା କରି ଥାନ୍ତି
       ଗୁରୁ ଜନଙ୍କୁ ପ୍ରଣତି
ହଳଦୀ ପତ୍ରରେ ଏଣ୍ଡୁରି ପିଠା ତ
      ଘରେ ଘରେ କରି ଥାନ୍ତି    l୪l

ମାମୁଁ ଘରଠାରୁ ନବ ବସ୍ତ୍ର ଆସେ
      ଭଣଜା ଭାଣିଜୀ ପାଇଁ
ସାମାଜିକ ଵିଧି ବନ୍ଧନ ଶୃଙ୍ଖଳା
      ପରମ୍ପରା କହୁ ଥାଇ        l୫l

ବର୍ଷକରେ ଥରେ ଅଲକ୍ଷ୍ମୀଙ୍କୁ ପୂଜା
      ହୋଇ ଥାଏ ଏହି ଦିନ
ମାତା ମହାଲକ୍ଷ୍ମୀ ବଡ଼ ଭଗ୍ନୀ ସେତ
      ସ୍ୱଚ୍ଛତାରେ ନାହିଁ ମନ       l୬l

ପିତାଙ୍କର ଅନ୍ତେ ବଡ଼ ପୁତ୍ର ପରା
       ଘରର ମୁଖ୍ୟ ହୁଅନ୍ତି
ଛୋଟ ଭାଇ ଭଗ୍ନୀ ଦାଇତ୍ୱ ନିଅନ୍ତି
       ଘରକୁ ସାମ୍ଭଳି ଥାନ୍ତି     l୭l

ଶିରୀମନ୍ଦିରରେ ବଡ଼ ଠାକୁର ତ
       ନବ ବସ୍ତ୍ର ପିନ୍ଧି ଥାନ୍ତି
ନିଆଳି ମାଧବ ମାମୁଁ ତ ତାଙ୍କର
      ପଢୁଆଁ କରାଇ ଥାନ୍ତି    l୮l

ଲିଙ୍ଗରାଜ ପ୍ରଭୁ ମାମୁଁ ଘର ଯାନ୍ତି
     କପାଳୀ ମଠକୁ ଜାଣ
ପଢୁଆଁ ହୁଅନ୍ତି ନୂଆ ଲୁଗା ପିନ୍ଧି
       ଖୁସିରେ କଟଇ ଦିନ      l୯ l

ଆଦ୍ୟାଶକ୍ତି ମାତା କାଳରାତ୍ରି ରୂପେ
      ଆଜ ଦିନେ ଅବତୀର୍ଣ୍ଣl
ସନ୍ତାନ ଗଣକୁ ଆଶିଷ ଦେଇଣ
      ପୃଥିବୀକୁ କଲେ ଧନ୍ୟା    l୧୦ l


ଗାନ୍ଧିନଗର, ପୋଷ୍ଟ/ ଜିଲ୍ଲା :  ନବରଙ୍ଗପୁର

No comments:

Post a Comment

Disclaimer

For all support related issues or to reach our team, Please check below details.
Ph. +91 8668656155 | contact@spreadhappiness.co.in | Link : https://www.facebook.com/spreadhpy