ସକାଳ ଜଣାଣ
***********************
ଗୋଦାବରୀଶ ଦାସ
ଜଗନ୍ନାଥ ଜଗନ୍ନାଥ ନାମକୁ ଧରି
ଏଭବ ସଂସାରୁ କେବେ ହୋଇବି ପାରି
ଆରେ କଳା ନାଉରି,
ହାତଧରି ନେବୁ ମୋତେ ଆର ସେପାରି।
ତୁମେମୋର ପାଖେଥିଲେ ଯିବିନି ଡରି
ତୁମେ ମୋର ସ୍ପନ୍ଦନରେ ରହିଛ ଭରି
ଆରେ କଳା ନାଉରି
ଆଗରେ ରହିଛି ମୋର କଳା ଭଉଁରୀ।
ଜଗନ୍ନାଥ ଜଗନ୍ନାଥ ନାମକୁ ଧରି,,,
ତୁମପାଦ ତଳେ ମଥା କରୁଛି ନତ
ବଢାଇ ଦିଅହେ ପ୍ରଭୁ କରୁଣା ହାତ
ଆହେ ଜଗତ ତାତ
ତୁମେପରା ବୋଲାଉଛ ଜଗତ ନାଥ।
ତୁମନାମ ଜପି କେତେ ଗଲେଣି ତରି
ଜଗନ୍ନାଥ ନାମ ଗୋଟି ପାଥେୟ କରି
ଆରେ କଳା ନାଉରି
ଆଶା ବାନ୍ଧି ଅଛି କେବେ,କରିବୁ ପାରି।
ଜଗନ୍ନାଥ ଜଗନ୍ନାଥ ନାମକୁ ଧରି,,,,,
*************************
ଶଙ୍ଖମୂଳ ,ରଣପୁର
ନୟାଗଡ
No comments:
Post a Comment