******************
କୈଳାସ ଚ଼ନ୍ଦ୍ର ପାଢ଼ୀ।
ସାହିତ୍ୟ ଜଗତେ
ଆତଙ୍କର ଛାୟା
ଖେଳିତ ଗଲାଣି ଆଜି,
ଜଳ ଜଳ ହୋଇ
ଦିଶି ଯାଉ ଅଛି
ଅଶୁଭ ଶକୁନ ରାଜି ।
ଅପ୍ରମାଦେ ଏଠି
ଗୋଟି ଚ଼ଳାଅନ୍ତି
ସାହିତ୍ୟ ବେପାରୀ ଯେତେ,
ଜାଣି ନହୁଅଇ
ବୁଝି ନହୁଅଇ
କିଏ ଅଛି କେଉଁ ମତେ।
ଜଗତର ହିତ
ସାଧଇ ସାହିତ୍ୟ
ସେତ ଆଜି ବାଟବଣା,
ଆତ୍ମ ବିଜ୍ଞାପନେ
ସାହିତ୍ୟର-ରଥ
ଟାଣୁଛନ୍ତି ଦିନକଣା।
ସ୍ବଇଚ୍ଛା ସାକାର
କରିବା ଫିକର
ସାହିତ୍ୟରେ ପରିଦୃଶ୍ୟ,
ଅସାହିତ୍ୟିକର
ଅନୁଚ଼ିନ୍ତା ଆଜି
ଜାତିମୁଖେ ଢାଳେ ବିଷ।
ସମାଜ ରକ୍ଷକ
ଅଟେ ସାହିତ୍ୟିକ
ଅନ୍ତରେ ନାହିଁ ଏ ଭାବ,
ଦୁଃଶାସନ ଯେବେ
ସାହିତ୍ୟ ରଚ଼ିବ
ସୃଷ୍ଟି ତେବେ ଧ୍ବଂସହେବ।
କହିବା ବାହୁଲ୍ୟ
ସୃଷ୍ଟିର-ସାରଲ୍ୟ
ବେଳୁଁବେଳ ହୁଏ ହତ,
ସାହିତ୍ୟ ସାଧକ
ହୋଇ ହତବାକ
ବସିଲେଣି ଯୋଡ଼ି ହାତ।
ଭବିଷ୍ୟତ କଥା
ଭାବିଲାଗେ ବ୍ୟଥା
ବୁଡି଼ବକି ଜାତି ଭାଷା,
କ୍ରମଶଃ କ୍ରମଶଃ
ବଢ଼େ ଅବଶୋଷ
ମଉଳେ ମନର ଆଶା।
****************
କୁମାର ପୁର। ଅନନ୍ତପୁର।
ବାସୁଦେବପୁର। ଭଦ୍ରକ।
---------------------------
No comments:
Post a Comment