ଅରୁଣ କୁମାର ମହାପାତ୍ର
ଖାଦ୍ୟର ଅଭାବ ରହିଛି ନିଶ୍ଚିତ
ଭୋକେ କଟେ କିଛି ଦିନ
ଦାନାଟିଏ ପାଇଁ ଚାହିଁ ରହିଥାନ୍ତି
ମାସ ବର୍ଷ କିଛି ଜନ
ଖାଦ୍ୟ ସମତୁଲ ଅଭାବେ ହୁଅଇ
ଅନେକ ଖାଦ୍ୟର ନଷ୍ଟ
ନିଜ ବଡ ପଣେ ବୁଝନ୍ତିନି ପରା
ଖାଦ୍ୟାଭାବେ ଭୋକ କଷ୍ଟ
ଖାଦ୍ୟକୁ ନଷ୍ଟ ନକରି ବଞ୍ଚାଇବା
ଖାଦ୍ୟର କରି ସୁରକ୍ଷା
ସେହି ଖାଦ୍ୟେ ହେବ ଭରଣ ପୋଷଣ
ଭୋକିଲାଙ୍କ ପ୍ରାଣ ରକ୍ଷା।
ବିଶ୍ଵ ଖାଦ୍ୟ ଦିବସର ଲକ୍ଷ୍ୟ ନିଶ୍ଚେ
ହୋଇବ ପୁରଣ ଦିନେ
ଖାଦ୍ୟ ଉତ୍ପାଦନ ତଥା ସଂରକ୍ଷଣ
ରହିଥିବ ସଦା ଧ୍ୟାନେ।
ସାରା ବିଶ୍ବ ଆଜି କହେ ଏକ ସ୍ୱରେ
ସୁରକ୍ଷା କର ଖାଦ୍ୟର
ଅବହେଳା ଅବା ଅଜ୍ଞତାରେ ଆମ
ଶେଷ ନ ହେଉ ଭଣ୍ଡାର।
ବୈଜ୍ଞାନିକ ଅଧିକାରୀ
ଅଶ୍ୱପୁରମ, ତେଲେଙ୍ଗାନା
No comments:
Post a Comment