ମୃତ୍ୟୁ
*****
ମୃତ୍ୟୁ.....!
ତୁମେ ଆସ ପ୍ରତି ମୁହୂର୍ତ୍ତରେ
ସଂଘର୍ଷ ର ପରେ ପରେ
ଶାନ୍ତିର ପୂର୍ବରୁ ।
ମୃତ୍ୟୁ.....!
ତୁମେ ଆସ ପ୍ରତିଦିନ
ଛପି ଛପି
କୋମଳ ବିଛଣାରେ
ଶୋଇବା ପୂର୍ବରୁ ।
ମୃତ୍ୟୁ.......!
ତୁମେ ଆସ ରୋଗାଗ୍ରସ୍ତ
ଝୁପୁଡି ବସ୍ତିରେ
ବିଧବାର ଆର୍ତ୍ତଚିତ୍କାର
ଶୁଭିବା ପୂର୍ବରୁ ।
ମୃତ୍ୟୁ.......!
ତୁମେ ଆସ
ବୁଭୁକ୍ଷୁ ର ସଂସାର ଭିତରେ
ମରୁ ମରୁ
ବଞ୍ଚିବାର ଚେଷ୍ଟା କରୁ କରୁ ।
ମୃତ୍ୟୁ.......!
ତୁମେ ଆସ
ହାରିଯାଇଥିବା ଜୀବନ ଯୁଦ୍ଧର
ନାୟକ ପାଖରେ
ଯୁଦ୍ଧର ସମାପ୍ତି ପୂର୍ବରୁ ।।
ଶୁଭେନ୍ଦୁ ମେହେର
ଯାଲୋଏ, ସୁବର୍ଣ୍ଣପୁର-୧୮
No comments:
Post a Comment