ବିଶ୍ୱ ଖାଦ୍ୟ ଦିବସ

ଶରତ ଚନ୍ଦ୍ର ପଣ୍ଡା

ପ୍ରତିବର୍ଷ ଅକ୍ଟୋବର ଲୋ.....

ମୋର ପ୍ରାଣ ମିତଣୀ

ମଧ୍ୟ ଭାଗେ* ହୁଏ ପାଳିତ ବିଶ୍ୱରେ

ପୃଥିବୀ ଖାଦ୍ୟ ଦିବସ ଲୋ... ମୋର ପ୍ରାଣ ମିତଣୀ  ll 1  ll

ବିଶ୍ୱ ସ୍ୱାସ୍ଥ୍ୟ ସଂଗଠନ ଲୋ.....

ମୋର ସହି ସଙ୍ଗାତ

ଆକଳନ କରି କୁହଇ ସଙ୍ଗାତ

ଅଧା* ଖାଦ୍ୟ ହୁଏ ନଷ୍ଟ ଲୋ....ଶୁଣ ଆଶ୍ଚର୍ଯ୍ୟ ସତ ll 2  ll

ଉଣେଇଶ ଶହ ଅଶି ଲୋ

କହ ବଉଳ ବେଣୀ

ସେଇଦିନ ଠାରୁ ପାଳିତ ହେଉଛି

ସାରା ବିଶ୍ୱେ ପୁଣି ପୁଣି ଲୋ.... ଆଜି ଆସିଛି ପୁଣି ll 3 ll

ହଙ୍ଗେରିର କୃଷି ମନ୍ତ୍ରୀ ଲୋ

ଶୁଣ ସହି ସଙ୍ଗାତ

ନାମ ପଲ ରୋମାନାଙ୍କର ଏ ପ୍ରସ୍ତାବ

ପାଳନ୍ତି ଶହେ ପଚାଶ* ଲୋ....

ଏହା ବିଶ୍ୱେ ବିଦିତ ll 5ll

ଉପଯୁକ୍ତ ସଂରକ୍ଷଣ ଲୋ

ଫୁଲ ବଉଳ ବେଣୀ

ଅଭାବ ହେତୁରୁ ଚରଣା* ସରିକି

ଖାଦ୍ୟ ଶସ୍ୟ ହୁଏ ବଣା ଲୋ....

ମୋର ପ୍ରାଣ ମିତଣୀ  ll6  ll

ପୃଥ୍ଵୀର  ଭୋକିଲା ଦେଶ ଲୋ

କହ ବଉଳ ବେଣୀ

ଏକନାବେ କ୍ରମ* ଟପି ମୋ ଭାରତ

ଶହେ ଏକତମ ହେଲା ଲୋ... ମୁହିଁ କହୁଛି ଜାଣି ll 7 ll

ଏକ ସର୍ବେକ୍ଷଣ କୁହେଲୋ

ଶୁଣ ତୁଳସୀ ମୋର

ବିଶ୍ୱେ ପ୍ରତି ନିତି ଅନାସ୍ତୋରୀ କୋଟି*

ଭୋକେ ଜଳାନ୍ତି ଉଦର ଲୋ

ଶୁଣ ସଙ୍ଗାତ ମୋର ll 8 ll

ଏହିସ୍ଥିତିରେ'ତ ଆମେ ଗୋ

ଫୁଲ ବଉଳ ବେଣୀ

ବେଳଥାଉଁ ବନ୍ଧ ବାନ୍ଧ ବିଶ୍ୱଜନ

ଅଚିରେ ପାତାଳ ଧାମେ ଲୋ..... ଫୁଲ ବଉଳ ବେଣୀ ll 9 ll

ନଗୁଆଁ, ଦରକୁଣ୍ଡି, ଯାଜପୁର l