ଖାଦ୍ୟ ସୁରକ୍ଷା

ସନାତନ ମହାକୁଡ଼

ମଣିଷ ପାଇଁକି ଖାଦ୍ୟ ଵସ୍ତ୍ର ବାସ

ଅଟେ ଅତି ଆବଶ୍ୟକ

ପଶୁ ପକ୍ଷୀଙ୍କର ଖାଦ୍ୟ ଖାଲି ଲୋଡ଼ା

ଅଦରକାର ପୋଷାକ  ।

ପକ୍ଷୀ ଖୋଜେ ନୀଡ଼ ପଶୁର ଗୁହାଳ

ଖାଦ୍ୟ ହେଲେ ଯାଇଁ ଭୋକ 

ପିମ୍ପୁଡି ସଞ୍ଚଇ ବର୍ଷା ଦିନ ଲାଗି

ମଣିଷ ଵରଷ ଯାକ   ।

ବନ୍ୟା ବାତ୍ୟା ଆଉ ଦୁର୍ଵିପାକ ବେଳେ

ଖାଦ୍ୟ ଅତି ଆବଶ୍ୟକ

ରୋଗୀ ଭୋଗୀ ଆଉ ଯୋଗୀ ସଭିଙ୍କର

ଖାଦ୍ୟ ଯୋଗାଏ ପୋଷକ  ।

ଅତି ଆବଶ୍ୟକ ଖାଦ୍ୟର ସୁରକ୍ଷା

ନ ମରୁ କେହି ଭୋକରେ

ମଣିଷ ସହିତ ପଶୁ ପକ୍ଷୀ ବୃକ୍ଷ

ଅଛନ୍ତି ଯେତେ ମହୀରେ  ।

କୃଷକ ଶ୍ରମିକ ଖାଦ୍ୟ ଉତ୍ପାଦକ

ଅନ୍ନ ଦାତା ଆମ ପାଇଁ

ସମ୍ମାନ ଦେଵା ହେ ଆମେ ସେମାନଙ୍କୁ

ଦାନାଟେ ଫିଙ୍ଗିବା ନାହିଁ   ।

ଵେରୁଆଁବାରୀ ୭୫୨୦୮୨

ଜିଲ୍ଲା:ନୟାଗଡ଼, ଓଡିଶା।  

ଇମେଲ୍: sanmahakud@gmail.com

www.sanatanmahakud.in