ହିନ୍ଦୀ ଦିବସ (🙏🌹ରାଷ୍ଟ୍ରୀୟ ଭାଷା🌹🙏)

✍ଡମ୍ବରୁଧର ବେହେରା
ନବୋଦୟ ବିଦ୍ୟାଳୟ
ସୁରଳା (ଗଞ୍ଜାମ)

ହିନ୍ଦୀ ଅଟେ ଆମ ରାଷ୍ଟ୍ରୀୟ ଭାଷା

ସାରା ଭାରତରେ କରନ୍ତି ଆଶା

ଗଙ୍ଗା ଠାରୁ ଗୋଦାବରୀ ପର୍ଯ୍ୟନ୍ତ

ସବୁରି ମୁହଁରେ ହୁଏ ନିର୍ଗତ।।

ହିନ୍ଦୁସ୍ଥାନ ଅଟେ ତାହାରି ଘର

କେବେ ବି କାହାକୁ ନ କରେ ପର

ତିରିଶି ରାଜ୍ୟର ସଂଯୋଗ ରେଖା

ମୂର୍ଖଠୁ ପଣ୍ଡିତ ସଭିଙ୍କ ସଖା।।

ଭାରତ ମାଆର ମଥାର ବିନ୍ଦି

ଆମ କାଳଜୟୀ ଭାଷା ଯେ ହିନ୍ଦୀ

ଯେତେ ଦିନ ଥିବ ହାତେ ମେହେନ୍ଦି

ସ୍ନେହର ଡୋରିରେ ରଖିବ ବାନ୍ଧି।।

ଦେଶବାସୀ ପାଇଁ ନୁହେଁ ଅତିଥି

ହାତରେ ତା'ରି ଦେଶର ପ୍ରଗତି

ବକ୍ଷେ ଧରି ଚାଲେ ଗୌରବ ଗାଥା

ଭାରତ ମାତାର ଭାଗ୍ୟନିର୍ମାତା।।