ମହମବତୀ

 

✍ସନ୍ତୋଷ କୁମାର ସାହୁ 

ମହମବତୀଟି 

ଦୂର କରୁଥିଲା 

ଅମା ଅନ୍ଧକାର 

ଆଲୋକର  ଶିଖା ଧରି 

ଅଚାନକେ କାହୁଁ 

ସମୀର ଆସିଲା 

ଗୁଂଜରିତ ହୋଇ 

ଉଆଁସରେ ଶିରିଶିରି l

ସାହସର ସହ 

ଲଢ଼ିଲା ବିଚରା 

ପୁରବୁ ପଶ୍ଚିମ 

ଉତ୍ତରୁ  ଦକ୍ଷିଣ 

ଏପଟ ସେପଟ ହୋଇ 

ଗୁହାରି କରିଲା, 

ପ୍ରଣିପାତ କଲା 

କେତେଯେ କାହାକୁ 

ନବୁଝିଲେ ତାକୁ କେହି l

କରି ପାରିଲାନି

ଲଢେଇ ସେ ଆଉ 

ପାରିଲାନି ବାଧା ସହି 

ବାକି ଜୀବନର 

କାହାଣୀ ତାହାର 

ଅଧବାଟେ ଗଲା ରହି l

ଝରି ଆସୁଥିଲା 

ଆଖିରୁ ତାହାର 

ଶେଷ ଜୀବନର

ତତଲା ଲୁହର ଧାର 

ସଂଗ୍ରାମ କରିକରି ଶେଷେ 

ମହମବତୀ ଟି 

ହୋଇଗଲା ନିର୍ବିକାର l

ଚି଼ର୍ମl, 
ନବରଙ୍ଗପୁର