###ମୋ ଲେଖା ମୋ ଦୁନିଆ###

✍ସୂର୍ଯ୍ୟ ନାରାୟଣ ସାବତ

ମୋ ଲେଖା ମୋ ଦୁନିଆର 

ମୁଁ ଏକ ସୈନିକ,

ମୁଁ ଯୁଦ୍ଧ କରେ ଏକୁଟିଆ

ଅସ୍ତ୍ର ମୋର କଲମ ।

ମୋ ଯୁଦ୍ଧ କାହାରି ବିରୁଦ୍ଧରେ ନୁହେଁ

ମୁଁ ନୁହେଁ କାହା ଅଇରୀ,

ସାମାଜିକ ନ୍ୟାୟ ଉଦ୍ଧେଶ୍ୟରେ ଲଢ଼େ ଏ ମୋର କଲମ ଖାଲି ।

ଲେଖିବା ପାଇଁ କି ଲେଖୁନି ମୁଁ କିଛି

ଲେଖିବାକୁ ବାଧ୍ୟ ହୁଏ,

ନଲେଖିଲେ ପରା ମନଟା କାହିଁକି

ବିଚଳିତ ହୋଇଯାଏ ।

କଲମ ଦେଇଛି ମୋ ହାତରେ ସିଏ

ଜନମ ଦେଇଛି ଯିଏ,

ତାଙ୍କ ନିର୍ଦ୍ଧେଶରେ ଲେଖୁଛି ଲେଖିବି

ଜୀବନ ମୋ ଥିବାଯାଏ ।

ଭଲ ଅବା ମନ୍ଦ ସବୁ ଆପେକ୍ଷିକ,

ବିଚାର ନିଜସ୍ୱ ଖାଲି,

ଯାହା ଘଟୁଅଛି ଘଟିବାର ଥିଲା

ବିଧାତା ଲିଖନ କାଲି ।

ମଣିଷ ନିମିତ୍ତ ବିହି ନିର୍ଦ୍ଦେଶକ

ସମୟଟି ମୂଲ୍ୟବାନ,

ଦଇବ ଦଉଡି ନର ବରଜୀବ

ଏକଥା ରଖିଥା ମନ ।

ଆଜି ଯାହା ଅଛି କାଲିକି ଯେ ଥିବ

ଏକଥା ନିଶ୍ଚିତ ନୁହେଁ,

କାରିଯାଅ କର୍ମ ଯାହା ଯେତେ ଆଜି

କାଲିକି ଦେଖିଛି କିଏ ?

ସହକାରୀ ଶିକ୍ଷକ,
ସରକାରୀ ବାଳିକା ଉଚ୍ଚ ବିଦ୍ୟାଳୟ, ନୂଆଗାଁ
ବୋରିଗୁମ୍ମା ବ୍ଲକ, କୋରାପୁଟ ଜିଲ୍ଲା