ମୁଁ ହୋଇଥାଆନ୍ତି କି ପକ୍ଷୀଟିଏ

✍ଦୀପ୍ତି ଦେବଦର୍ଶିନୀ ସୁତାର

ଇଛା ହୁଏ ହଜିଯିବା ପାଇଁ

ଏଇ ନୀଳ ଆକାଶର କୋଳେ

ପକ୍ଷୀ ହୋଇ ଡେଣା ମୋର ଝାଡ଼ି ଝାଡ଼ି

ଆଉ ବାଣ୍ଟି ଚାଲିଥାନ୍ତି ଏ ପୃଥିବୀର

ଯେତେ ସବୁ ଦୁଃଖ କୁ ସୀମାହୀନ

ଆକାଶ ବୁକୁରେ ।

କେମିତି ନ କହିବି ଯେ ଏ ଗଛ ରେ

ଏ ପାଣିରେ... ଏ ଫୁଲରେ... ଏ ମନରେ..

ଏ ଫଳରେ... ଏ ସମାଜରେ... ଖାଲି ତ ଗୁଡ଼ାଏ

ମିଛ ପ୍ରବଞ୍ଚନା କୁ ଘୋରି ଘୋରି ଲେପ ଦେଇ

କହୁଛି ଏ ମଣିଷ ସବୁ କିଛି ତା'ର ଆଉ

ହିଂସା କପଟ ରେ ବୁଡିଯାଇ 

ଭାଙ୍ଗିଦେଉଛି ସୁରକ୍ଷାର ପାଚେରୀ  ।

ଦେଖୁଛି ମୁଁ ଯେବେ ଏ  ଖଣ୍ଡ ଖଣ୍ଡ ବାଦଲର

ଛାଇ ତଳେ ଉଡିଯିବା ବେଳେ

ସୁନ୍ଦର ଏ ଚଢ଼େଇଟି ମୋର ବି ମନ ହୁଏ

ମୁଁ ବି ଉଡ଼ି ଉଡ଼ି ଗାଉଥାନ୍ତି ସେଇ 

ମନ ମତାଣିଆ ସୁରରେ ବେଦନା ହୀନ ଗୀତ

ହୋଇ ଯାଆନ୍ତିକି ସତେ ମୁଁ 

ପକ୍ଷୀଟିଏ ସରଗ ରାଇଜ ସହ

ବସୁଥାନ୍ତି ମିତ୍ର     ।।

ଓରାଳି ,ହାଟଡିହୀ , କେନ୍ଦୁଝର .758083