🌿 " ଦୁବରେ ଥାଏ ଔଷଧୀୟ ଗୁଣ " 🌿

  ✍ ଅମରନାଥ ବାରିକ୍

             ମଧୁମେୟ ରୋଗ କରେ ନିୟନ୍ତ୍ରଣ
                     ରକ୍ତ ଚାପରୁ ମୁକତି
             ଦୁବ ଘାସ ରସ ଦୁଇ ଚାମଚ ରେ
                   ମିଶାଇଲେ ନିମ ପତି ।
             ସକାଳୁ ସକାଳୁ ଅଖିଆ ପେଟରେ
                   ଗୋଟେ ଗିଲାସ ପାଣିରେ
              ନିୟମିତ କଲେ ସେବନ ଏହାକୁ
                    ଯନ୍ତ୍ରଣା ରୁ ଦୁର କରେ ।
            ହେଉଥିଲେ କେବେ ମାଡ଼ିରେ ଦରଜ
                     ରେଢ଼ା ଉପଶମ ପାଇଁ
              ମାଲିସ କରିଲେ ଦୂର୍ବାଦଳ ରସ
                   ମିଳେ ଆରାମ ଟି ତହିଁ ।
           ଚର୍ମ ରୋଗ ଥିଲେ ଦେହରେ ପୁରୁଣା
                     ହେଉଥାଏ ଯଦି ବ୍ରଣ
             ମୁଲତାନି ମାଟି ହଳଦୀ ସାଥିରେ
                   ଦୁବ ରସ ଦେବ ପୁଣ ।
             ଲଗାଇ ଏହାକୁ କିଛି କ୍ଷଣ ପରେ
                  ପାଣିରେ ଦେବଟି ଧୋଇ
            ଧିରେ ଧିରେ ବ୍ରଣ ଭଲ ହୋଇଯିବ
                   ଦାଗ ବି ଯିବ ଉଭେଇ ।
              ୠତୁଶ୍ରାବ ଯଦି ଅନିୟମିତତା
                   ହେଉଥାଏ ନାରୀଙ୍କର
             ଏକ ଚାମଚର ମଧୁ ସହିତ ରେ
                   ଦୁବ ରସ ପାନ କର ।
            ପାଟିକୁ ଲାଗିଲେ ସ୍ଵାଦୁ କି ଅରୁଚି
                ନଦେଖିଲେ ଆମେ ତାହା
            ଗ୍ରହଣ କରିଲେ ଔଷଧୀୟ ରୂପେ
                  ମିଳିବ ଆମକୁ ରାହା ।
             ଶରୀର ରହିବସୁସ୍ଥ ଓ ସବଳ
                 କାମରେ ଲାଗିବ ମନ 
            ଚମତ୍କାର ତା'ର ମହାନତା ଗୁଣ
                ଲେଖେ ତା ବିଧିବିଧାନ ।

.                            ସମାପ୍ତ

        ____●◆●____

✍ ଅମରନାଥ ବାରିକ୍
💌 କୟାଁ,ମଙ୍ଗଳପୁର, ଯାଜପୁର