**ମୋ ତର୍ଜମା**

ରୋଗ ଦେଖେ ନାହିଁ ଧନୀ ଗରିବ
ସବୁଠାରେ ତା'ର ଶରଧା ଭାବ l

ଭୋକ ଖୋଜେନା ସ୍ଵାଦିଷ୍ଟ ଭୋଜନ 
ସବୁ ଖାଦ୍ୟେ କରେ ଉଦର ପୂର୍ଣ୍ଣ l

ଆଖି ବlଛେ ନାହିଁ ଭଲ କି ମନ୍ଦ
ବିବେକ କରେନା କା ସାଥେ ଦ୍ଵନ୍ଦ୍ଵ

ଯମ କଞ୍ଚା ପାଚିଲା ଦେଖେ ନାହିଁ 
ଆୟୁଷ ସରିଲେ ବାନ୍ଧି ନିଅଇ l

ମାଆ ପାଖେ ନାହିଁ ଭିନ୍ନତା ଭାବ 
ଉଦାରପଣେ ତା' କେ ସରି ହେବ l

ଦିଅଁ ଭୋଗର ମୂଲ୍ୟ ନ ଦେଖନ୍ତି 
ହୃଦୟକୁ ତୁମ ପରଖିଥାନ୍ତି l

ବୃକ୍ଷ ଦେଖେ ନାହିଁ ଜୀବର ଗୁଣ 
ତା ନିକଟରେ ସଭିଏଁ ସମାନ l

ଦଇବ ଦେଖେ ନା ଧନ ସମ୍ପତ୍ତି 
କର୍ମ ନେଇ ଦେଇଥାଏ ସେ ଶାସ୍ତି l

ଗୁରୁ ଆଗେ ନାହିଁ ବlଛ ବିଚାର 
ଶିକ୍ଷl ଦେଇଥାନ୍ତି କରି ନିଜର l

ଜ୍ଞାନ ଆଗେ ନାହିଁ ଜାତି ଅଜାତି
ଜ୍ଞାନୀ ବୁଝିଥାଏ ନୀତି ଅନୀତି l

ରୂପ ବଢ଼ାଏନା ବ୍ୟକ୍ତିର ମାନ
ଉଦାର ହୃଦୟ ପାଏ ସମ୍ମାନ l

ବାୟୁ ବୁଝେ ନାହିଁ ପ୍ରିୟା କି ପ୍ରୀତି 
ସବୁ ଦିଗକୁ ତା' ହୁଅଇ ଗତି l

ଜଳ ମାପେନାହିଁ ମଣିଷ କର୍ମ 
ଜଗତ କଲ୍ୟାଣ ତା' ଶ୍ରେଷ୍ଠ ଧର୍ମ l

ସେଥିପାଇଁ କହେ ହେ ବିଜ୍ଞ ନର 
ହୁଅ ନାହିଁ ଶତ୍ରୁ ନିଜେ ନିଜର l

ଆନ ଦୋଷ କର ନାହିଁ ବିଚାର 
ନିଜ କରମକୁ ତର୍ଜମା କର ll

କବିକମଳ-ନରେନ୍ଦ୍ର ପ୍ରସାଦ ବେହେରା, ଆଳଦା, ଖଇରା,ବାଲେଶ୍ବର