ପରମାତ୍ମା

ପରମାତ୍ମା ବୋଲି ରୂପ କିଛି ନାହିଁ
      ଶବ୍ଦ ଏକ ଆଧ୍ୟାତ୍ମିକ 
ନୁହଁନ୍ତି ଆକାଶ ଗ୍ରହ କି ନକ୍ଷତ୍ର 
      ନାହିଁ ତାଙ୍କ ମୂଲ୍ୟ ଅଙ୍କ l

ନୁହଁନ୍ତି ଆକାର ସେ ତ ନିରାକାର 
      ଭାବରେ ସୂକ୍ଷ୍ମ ଭାବନା 
ପରମାତ୍ମା ଆଗାମୀ ସମୟପାଇଁ 
      ଆଧ୍ୟାତ୍ମିକ ସମ୍ଭାବନା l

ଏ ଜୀବନ- ଗଙ୍ଗା ଆସିଛି ଯେଉଁଠୁ 
    ସେ ସାଗରେ ହେବ ଲୀନ 
ସେ ଯାଏ ସାଙ୍ଗରେ ଧରି ଧର୍ମ ଦଣ୍ଡ 
      କରିବା କlଳ ଯାପନ l

ଦୁଃଖୀ ଅସଫଳ ଆତ୍ମା ଖୋଜେ ବଳ 
     ଲକ୍ଷ୍ୟପଥ ସ୍ଵର୍ଗଧାମ 
ଆଗକୁ ଯିବାକୁ ହୁଅଇ ତତ୍ପର 
   ନିଜ ମୁକ୍ତି ତାର କାମ୍ୟ l

ଶରୀର ସଂଯୁକ୍ତ ରହିଅଛି ମନ 
      ହୁଏ ସଦା ଅନୁଭବ 
ଆତ୍ମାର ଖବର ମିଳେ ନାହିଁ କିଛି 
    କେଉଁଠି ସେ ବଇଭବ l

ଶୁଭୁନାହିଁ କେବେ ଆତ୍ମାର ଶବଦ 
    ଜାଣେନାହିଁ ଜୀବକୋଷ 
ଭାଷାକୋଷ ଅର୍ଥ ଖୋଜି ପାଏ ସିନା 
      ଆତ୍ମା ସର୍ବଦା ଅଦୃଶ୍ୟ l

କାମନା ବାସନା ଜଡିତ ଶରୀର 
     କରେ ମିଳନ ଅକାଂକ୍ଷା 
ବଦଳି ଯାଏ ଏ ମନର ଭାବନା 
    ମାଗେ ସ୍ନେହ ପ୍ରେମ ଭିକ୍ଷା l

ଶରୀର ଆମର ଜଡ ବସ୍ତୁ ସିନା 
    ମନେ ଭରିଛି ଚେତନା 
ସେ ଚେତନା ଆଣେ ଅଲୋଡା ଜୀବନେ 
    କେତେ କାମନା ବାସନା l

ମନର ମିଳନେ ପ୍ରେମ ସୃଷ୍ଟି ହୁଏ 
    ଜଳ ମିଳନେ ଜୀବନ 
ଆତ୍ମାର ମିଳନେ ଭକତି ରସରେ 
    ପରମାତ୍ମା ଠାରେ ଲୀନ ll

କବିକମଳ-ନରେନ୍ଦ୍ର ପ୍ରସାଦ ବେହେରା, ଆଳଦା, ଖଇରା,ବାଲେଶ୍ବର