ଗୁରୁ ଦିବସ

        ✍ବାସନ୍ତୀ ଲତା ଜେନା 

ଆର୍ଯ୍ୟ ସଂସ୍କୃତି ଯେ ଗୁରୁ ପରମ୍ପରା 
     ଅଟେ ଏ ଦେଶର କୃତି 
ଗୁରୁ ଶିକ୍ଷାର୍ଥୀର ମଧୁର ସମ୍ପର୍କ 
      ଯୁଗେ ଯୁଗେ ଅଛି ସ୍ଥିତି    l୧l
ଅଜ୍ଞାନ ରୂପକ ଅନ୍ଧ କାରୁ କାଢି 
      ଗୁରୁ ଦେଇ ଥାନ୍ତି ଶିକ୍ଷା 
କଞ୍ଚା ମାଟି ସମ କୋମଳ ଶିଶୁଟି 
      ପାଇଥାଏ ଗୁରୁ ଦୀକ୍ଷା       l୨l
ଅଜ୍ଞାନ ଅନ୍ଧାର ଦୂର କରି ଥାନ୍ତି 
       କେତେ ନୀତି ଶିକ୍ଷା ଦେଇ 
ଉଜ୍ୱଳ ଭବିଷ୍ୟ  କାମନା କରନ୍ତି 
       ବ୍ରହ୍ମା ବିଷ୍ଣୁ ଶିବ ହୋଇ     l୩l 
ପ୍ରଥମ ଗୁରୁ ମାତା ହୋଇ ଥାନ୍ତି 
     ଦ୍ୱିତୀୟ ଗୁରୁ ଯେ ପିତା 
ତୃତୀୟ ଗୁରୁ ଶିକ୍ଷା ଦାତା ହୁଏ 
      ଅଟେ ମୋ ଭାଗ୍ୟ ବିଧାତା    l୪l
ଗୁରୁ ଜ୍ଞାନ ଦାତା ସମାଜ ସଂସ୍କାର 
       ଗୁରୁ ଜ୍ଞାନ ଦୀପ ଶିଖା 
ଗୁରୁଙ୍କୁ ସମ୍ମାନ ସଦା କରୁ ଥିବା 
      ସେତ ଆମ ଜ୍ୟୋତି ରେଖା  l୫l
ଶ୍ରୀକୃଷ୍ଣଙ୍କ ଗୁରୁ ସାନ୍ଦୀପନି ଥିଲେ 
      ଅର୍ଜ୍ଜୁନଙ୍କ ଗୁରୁ ଦ୍ରୋଣ 
ଭୀଷ୍ମ କର୍ଣ୍ଣଙ୍କର ପଶୁରାମ ଗୁରୁ 
      ସୃଷ୍ଟିରେ ହେଲେ ମହାନ     l୬l
ଶ୍ରେଷ୍ଠ ଗୁରୁ ଥିଲେ ରାଧା କୃଷ୍ଣ ପରା 
      ଜନ୍ମ ଦିବସ ଅର୍ପିଲେ 
ସ୍ନେହ ଶ୍ରଦ୍ଧା ଧୈର୍ଯ୍ୟ ତାଙ୍କ ପାଖେ ଥିଲା 
       ଛାତ୍ରଙ୍କ ପ୍ରିୟ ହୋଇଲେ   l୭l
ସେପ୍ଟେମ୍ବର ମାସ ପାଞ୍ଚ ତାରିଖଟି 
      ଗୁରୁଙ୍କ ଦିବସ ଜାଣ 
ଧୂପ ଦୀପ ଦେଇ ବନ୍ଦନା କରିବା 
      ତାଙ୍କରି ପଦ ଚରଣ       l୮l
ଗୁରୁ କୃପା ବିନ୍ଦୁ ଝରିଲେ ମସ୍ତକେ 
      ଯଶ ଖ୍ୟାତି ଯାଏ ଭରି 
ସେହି ଗୁରୁ ପାଦେ ଲୟ ରଖିଥିବା 
     ସତ ସିନ୍ଧୁ ହେବା ପାରି     l୯l
ଗୁରୁ ବ୍ରହ୍ମା ବିଷ୍ଣୁ ମହେଶ୍ବର ସେତ 
      ଆଲୋକର ଶିକ୍ଷା ଜ୍ୟୋତି 
ତାଙ୍କ ଉପଦେଶ ଜୀବନର ବ୍ରତ 
      ପାଳୁ ଥିବା ନିତି ନିତି     l୧୦l
ଜାତି ଧର୍ମ ବର୍ଣ୍ଣ ନିର୍ବିଶେଷରେ ଯେ 
      ଗୁରୁ ଶିକ୍ଷାଟି ମହାନ 
ସେହି ଗୁରୁ ପାଦେ ଶତ  ପ୍ରଣୀ ପାତ 
     ଗଢିବା ଆମ ଜୀଵନ      l୧୧l

ଗାନ୍ଧିନଗର, ଜିଲ୍ଲା :ନବରଙ୍ଗପୁର  l