ପ୍ରସଙ୍ଗ-"ଶିକ୍ଷକ ଦିବସ"

✍ଜ୍ୟୋତିଶଙ୍କର ତ୍ରିପାଠୀ

ଶି
  ଶିକ୍ଷା ଦେଇଥାନ୍ତି ଅଜସ୍ର ଅମାପ
  ଦେଶ ଭବିଷ୍ୟତ ଗଢି,
  ଆଦର୍ଶ ତାଙ୍କର ଅନୁପ୍ରାଣି ଯୁବ
  ସଜାଡନ୍ତି ନିଜ ପିଢୀ।

କ୍ଷ
  କ୍ଷମା,ସହିଷ୍ଣୁତା,ସରଳ ସ୍ଵଭାଵ
  ଶିକ୍ଷକ ହୃଦୟ ଭରା,
  ଛାତ୍ରଛାତ୍ରୀ ଙ୍କର ଉଜ୍ଜ୍ୱଳ ଭବିଷ୍ୟ
  ଏକମାତ୍ର ଲକ୍ଷ୍ୟ ପରା।

କ
  କଷ୍ଟ,ଅପମାନ,ନିର୍ଯ୍ୟାତନା,ଚାପ
  ସହିଥାନ୍ତି  ଆଜୀବନ,
  ଦିବାରାତ୍ର,ମାସ,ବର୍ଷ,ବର୍ଷ ଧରି
  ସେବିଥାନ୍ତି ଦେଇ ମନ।

ଦି
  ଦିବସ ତଥାପି ବରଷକେ ଥରେ
  ପାଳନ୍ତି ସାରା ରାଇଜ,
  ଶିକ୍ଷକଙ୍କ ମୂଲ୍ୟ, ଶିକ୍ଷକ ସମ୍ମାନ
  କେବେତ ଟିକିଏ ବୁଝ।

ବ
  ବରଷ ତମାମ ନିଜ ସ୍ୱାର୍ଥ ତ୍ୟାଗୀ
  ଅହରହ କାର୍ଯ୍ୟ କରି,
  ଗୋଟିଏ ଦିନ ହିଁ ସ୍ମରଣ ପକାନ୍ତି
  ନେବାପାଇଁ ବାହାଦୁରୀ।

ସ
  ସ୍ମରଣୀୟ ହେଉ ଶିକ୍ଷକ ଦିବସ
  ବରଷ ର ପ୍ରତିଦିନ,
  ଗୁରୁ,ଛାତ୍ରଛାତ୍ରୀ ସମ୍ପର୍କ ସର୍ବଦା
  ରହିଥାଉ ଅମଳିନ।

ଜୟପୁର,ଜିଲ୍ଲା-କୋରାପୁଟ
ଓଡିଶା

** *ସମାପ୍ତ ***