ଟାଙ୍ଗରା ଭୂଇଁରେ ମୌସୁମୀର ସ୍ପର୍ଶ
ସୃଜନୀର ଆଦ୍ୟ ନାମ
ମରୁ ପ୍ରାନ୍ତରକୁ ମନ୍ଦାକିନୀ ସ୍ପର୍ଶ
କରେ ପୁଣି ମୁକ୍ତିଧାମ
ସ୍ନେହ ସ୍ପର୍ଶ ପରିଣାମ
ଇତର ପ୍ରାଣୀକୁ ନିଜର କରଇ
ବାଘ ବି ହୁଏ ଗୋଲାମ
ପ୍ରତି ପ୍ରାନ୍ତେ ଦେଖ ପରମେଶ୍ୱରଙ୍କ
କରୁଣାର କେତେ ସ୍ପର୍ଶ
ବିଷାଦ ବହ୍ନିରେ ସେନେହ ସଲିଳ
କୋଟି ମନେ ଭରେ ହର୍ଷ
କିମ୍ପା ବିଚାର ବିମର୍ଷ
ସଭିଙ୍କୁ ଦିଅ ହେ ଭାଇଚାରା ସ୍ପର୍ଶ
ହସୁ ଏ ଭାରତ ବର୍ଷ
ସ୍ପର୍ଶ ଅସ୍ପର୍ଶର ଭେଦ ଭାବଠାରୁ
ଚେତନାକୁ କର ଉଚ୍ଚ
ସବୁରି ହୃଦୟେ ଏକ ବ୍ରହ୍ମ ସତ୍ତା
କେହି ନୁହେଁ ଏଠି ନୀଚ୍ଚ
ଏଇ ମୁକ୍ତିର ପାବଚ୍ଛ
ମାନବବାଦର ମହାନଦୀ ଏ ତ
ହୃଦୟକୁ କରେ ସ୍ୱଚ୍ଛ
ରଞ୍ଜନ କୁମାର ମହାନ୍ତି
ବାଲେଶ୍ୱର
No comments:
Post a Comment