ବାସନ୍ତୀ ଲତା ଜେନା
( ସ୍ୱର : ଥକା ମନ ଚାଲ ଯିବା )
ମାଆ ତୋ ଚରଣ ତଳେ ଦୀପଟିଏ ହୋଇ ଜଳେ
ଏତିକି ଭାବନା ମନେ ଜଳିବି ମୁଁ ସଞ୍ଜ ସକାଳେ
ମାଆ ତୋ ଚରଣ..... ( ଘୋଷା )
ଦୁଃଖ ସୁଖ ଭରା ଛାଇ ଜୀବନେ ଆସଇ କାଳେ
ଜଗତ ଜନନୀ ମାତା ସାହା ହେବୁ ସଦା ବେଳେ
ମାଆ ତୋ ଚରଣ.... l୧l
ଦୁଃଖର ଭରା ସାଗରେ ଭାସୁଛି ଅଥଳ ଜଳେ
ତାରିଣୀ ନାମକୁ ଧରି ପାରି ହେବି ଅନ୍ତ କାଳେ
ମାଆ ତୋ ଚରଣ.... l୨
ଦିବା ନିଶି ଡାକେ ତୋତେ ଡୋରି ଲଗାଇବୁ କାଳେ
ଘଟ ଗାଁ ବୁଲିଣ ଯିବି ସନ୍ଧ୍ୟା ଆଳତୀର ବେଳେ
ମାଆ ତୋ ଚରଣ.... l୩l
ଘଣ୍ଟ ନିତି ବଜାଇବି ତୋ ମୁଖ ଦର୍ଶନ ବେଳେ
କୋଟି ପାପ ଧୋଇ ଯିବ ନାହିଁ ମୋ ସୋଚନା ତିଳେ
ମାଆ ତୋ ଚରଣ..... l୪l
ତୁମେ ତ କଲ୍ୟାଣ ମୟୀ ରଖିବୁ ପଣତ ତଳେ
ମମତା ମୟୀ ଜନନୀ ଶରଣ ଚରଣ ତଳେ
ମାଆ ତୋ ଚରଣ........ l୫l
ଗାନ୍ଧିନଗର, ନବରଙ୍ଗପୁର,
No comments:
Post a Comment