✍ଶ୍ରୀମତୀ ବାସନ୍ତୀ ଲତା ଜେନା
ରାମ ଜନ୍ମଭୂମି ଅଯୋଧ୍ୟା ନଗର
କୌଶଲ୍ୟା କୁଳ ନନ୍ଦନ
ନବମୀ ଥିରେ ଭୂମିଷ୍ଟ ହୋଇଲେ
ପିତା ମାତା ହେଲେ ଧନ୍ୟ l୧l
ସତ୍ୟ ନ୍ୟାୟ ଧର୍ମ ସ୍ଥାପନା ପାଇଁ କି
ଆବିର୍ଭାବ ଆର୍ତ୍ତତ୍ରାଣ
ଅଧର୍ମ ଉପରେ ଧର୍ମର ସ୍ଥାବନା
କରି ଥାନ୍ତି ଭଗବାନ l୨l
ରାମଙ୍କ ଜନ୍ମରେ ଅଯୋଧ୍ୟାରେ ଖୁସି
କହିଲେ ସରଇ ନାହିଁ
ସାରା ଅଯୋଧ୍ୟାକୁ କୁସୁମ ପରଶେ
ଦେଇ ଥିଲେ ତ ସଜାଇ l୩l
ଦୀପାଳି ଜାଳିଲେ ଦାନ ଧର୍ମ କଲେ
ନୃତ୍ୟ ଗୀତର ଆସର
ଅଯୋଧ୍ୟା ବାସୀ ତ ଆନନ୍ଦେ ବିଭୋର
ପ୍ରଭୁ ଜନ୍ମିଲେ ମର୍ତ୍ତର l୪l
ରାମଙ୍କର ଆଉ ତିନି ଭାଇ ଥିଲେ
ଲକ୍ଷ୍ମଣ ଭରତ ଜାଣ
ସବା ସାନ ଭାଇ ଶତ୍ରୁଘ୍ନ ହୋଇଲେ
ଖୁସିରେ କଟଇ ଦିନ l୫l
ପରସ୍ପର ମଧ୍ୟେ ବାନ୍ଧି ହୋଇ ଥିଲେ
ଅତୁଟ ସ୍ନେହ ବନ୍ଧନ
ଶିକ୍ଷା ଦୀକ୍ଷା କଲେ ଗୁରୁ ଆଶ୍ରମରେ
ଅଯୋଧ୍ୟା ହୋଇଲା ଧନ୍ୟ l୬l
ଶ୍ରୀରାମ ସାଙ୍ଗରେ ସୁମିତ୍ରା ନନ୍ଦନ
ପାଶେ ପାଶେ ରହିଥିଲେ
ଦୂର୍ବlଶlଙ୍କ ସଙ୍ଗେ ଜଙ୍ଗଲକୁ ଯାଇ
ଅସୁରଙ୍କୁ ମାରୁ ଥିଲେ l୭l
ମିଥିଳା ରାଜ୍ୟର ଜନକଙ୍କ କନ୍ୟା
ପରମା ସୁନ୍ଦରୀ ସୀତା
ଶିବ ଧନୁ ଭାଙ୍ଗି ବିବାହ କରିଲେ
ହୋଇଲେ ଜଗତ ଜିତା l୮l
ପିତୃ ସତ୍ୟ ପାଳି ବନବାସ ଗଲେ
ଚଉଦ ବର୍ଷ ବିତିଲା
ରାବଣ ଦୁର୍ମତି ଛଦ୍ମ ବେଶ ଧରି
ସୀତାଙ୍କୁ ହରଣ କଲା l୯l
ବହୁ କଷ୍ଟ ସହି ସେତୁ ବନ୍ଧ କଲେ
ବାନର ସେନାଙ୍କୁ ଧରି
ରାବଣ ବଧିଲେ ସିତେ ଉଦ୍ଧରିଲେ
ଆସିଲେ ଅଯୋଦ୍ଧା ଫେରି l୧୦l
ପ୍ରଜାନୁ ରଞ୍ଜନ ଦଶରଥ ନନ୍ଦନ
ସବୁରିଙ୍କ ପ୍ରିୟ ହେଲେ
ରାଜ୍ୟ ସିଂହାସନେ ରାଜ୍ୟତ୍ୱ କରିଲେ
ପ୍ରଜା ଦୁଃଖ ବୁଝୁ ଥିଲେ l୧୧l
ତ୍ରେତୟା ଯୋଗରେ ରାମଙ୍କ ଆଦର୍ଶ
ଯୁଗେ ଯୁଗେ ବିଦ୍ୟମାନ
ଧର୍ମର ସ୍ଥାପନା ପାଇଁ ଆବିର୍ଭାବ
ଦୁଷ୍ଟ ଅଇରୀ ନାଶନ l୧୨l
ଦୀର୍ଘ ପ୍ରତିକ୍ଷାର ଫଳ ଆଜି ମିଳେ
ଭବ୍ୟ ମନ୍ଦିର ନିର୍ମାଣ
କୋଟି ଶ୍ରଦ୍ଧାଳୁଙ୍କ ମନର ଆବେଗ
ସିଂହାସନେ ନାରାୟଣ l୧୩l
ରାମ ମୟ ଆଜି ଅଯୋଧ୍ୟା ହୋଇଛି
ରାମ ମୟ ତ ଭାରତ
ରାମ ପ୍ରେମ ପ୍ରୀତି ଭକ୍ତଙ୍କ ପ୍ରାଣରେ
କରୁଣା ଅଟେ ସରିତ l୧୪l
ଗଗନେ ପବନେ ଗୁଂଜରିତ ହୁଏ
ଜୟ ରାମ ସୀତା ରାମ
ସତ୍ୟ ଧର୍ମ ନିଷ୍ଠl ତ୍ୟାଗର ପ୍ରତୀକ
ତୁମେ ପୁରୁଷ ଉତ୍ତମ l୧୫l
ନବରଙ୍ଗପୁର l
No comments:
Post a Comment