ବସନ୍ତେ ବସୁଧା

ବସନ୍ତେ ବସୁଧା ବିବିଧ ବସନେ 

ବିରାଜିବ ବାସ ମଳୟରେ ।

ବସୁଧା ସବୁଜ ସୁଷମା ସମ୍ଭାରେ 

ବନ ପୁଲ ଫଳ ପଲ୍ଲବରେ ।।୧।।

ବିଚିତ୍ର ବର୍ଣ୍ଣାଳୀ ପ୍ରକୃତିକୁ ତୋଳି 

ମହକାଇ ମଧୁର ବାସରେ ।

ବିଚାରେ ଭାବୁକ ବସି ଏକାନ୍ତରେ 

ବିବଶ ନିସଙ୍ଗ ବିଜନରେ ।।

ଧର୍ମରକ୍ଷା କରି ପିକ ଶ୍ଵନ ଶୁଭେ

ଶ୍ଵାଗତ କରଇ ପଞ୍ଚମରେ ।

ବସନ୍ତେ ବସୁଧା ବିବିଧ ବସନେ 

ବିରାଜିବ ବାସ ମଳୟରେ ।।୨।।

ସକଳେ ସୁବେଶ ଅପୂର୍ବ ଆବେଶ 

ପୁଲ୍ଲକିତେ ତନ ମନ ଭରେ ।

ନେତ୍ର ତୃପ୍ତି ଦିଏ ତା ରୂପ ଦର୍ଶନେ 

ଅପରୂପ ଶୋଭା ସମ୍ଭାରରେ ।।୩।।

ବିଷାଦିତ ମନ ହୁଅଇ ବିଷର୍ଣ୍ଣ 

ବିଦୀର୍ଣ୍ଣ କରଇ ବିତୁଷ୍ଣାରେ ।

ରାଜୀବ ଲୋଚନା ରତି ସୁଖ ବିନା 

ରଜନୀ ବିତାଏ ଅନିଦ୍ରାରେ ।।

ଜିଗୀଷା ତାହାର ଜାଗରେ କଟଇ 

ଜନ୍ତ୍ରଣା ଜନିତ ଜୀବନରେ ।

ବସୁଧା ସବୁଜ ସୁଷମା ସମ୍ଭାରେ 

ବନ ପୁଲ ଫଳ ପଲ୍ଲବରେ ।।୪।।

ବାସନା ବିହୀନ ବିଭାବେ ଜୀବନ

ବସନ୍ତ ବିରାଜେ ମର୍ତ୍ତ୍ୟରେ ।

ସବୁରି ପ୍ରାଣରେ ନବ ଉଦ୍ଦୀପନା 

ଭରିଦିଏ ମଧୁ ମହକରେ ।।୫।।

ଅଜିତ କୁମାର ତ୍ରିପାଠୀ (ଶିକ୍ଷକ)
ଗ୍ରାମ/ ପୋଷ୍ଟ - କୁଲାଡ଼, ଭଞ୍ଜଭୂମି
ଭଞ୍ଜନଗର, ଗଞ୍ଜାମ- ୭୬୧୧୩୧

For all support related issues or to reach our team, Please check below details.
Ph. +91 8668656155 | contact@spreadhappiness.co.in | Link : https://www.facebook.com/spreadhpy