🌧️☔💧🌧️☔💧🌧️☔💧🌧️
✍️ ଅମରନାଥ ବାରିକ୍
ମୌସୁମୀର ଆଗମନେ ଧରାପୃଷ୍ଠ
ହସି ହସି ନାଚି ଯାଇ
ବରଷା ରାଣୀକୁ କରେ ନିମନ୍ତ୍ରଣ
ଦିଅ ହେ ମତେ ଭିଜେଇ ।
ବହୁ ଦିନ ଧରି ଉତ୍ତାପ ଝାଞ୍ଜିରେ
ମହୀ ସୁଖି ଫାଟି ଥିଲା
ଧୂଳି ଧୂସରିତ ତତଲା ବାଆରେ
ବୃକ୍ଷ ବଳୀ ପଡୁଥିଲା ।
ବରଷା ରାଣୀର ଝିପିରି ଝିପିରି
ବିନ୍ଦୁରେ ମହୀ ମଣ୍ଡଳ
ବାସ ଚହଟିବ ମାଟି ମହକିବ
ପୃଷ୍ଠ ହୋଇବ ଶୀତଳ ।
ଶୁଖିଲା ବୃକ୍ଷରୁ ପତ୍ର କଅଁଳିବ
ଦିଶିବ କେଡେ ସୁନ୍ଦର
ମୟୂର ଝୁମିବ ମେଘମାଳା ଦେଖି
ବେଙ୍ଗୁଲି କରିବ ସ୍ୱର ।
ଛୋଟ ପିଲାମାନେ ହୋଇ ଆନନ୍ଦିତ
କାଗଜର ଡ଼ଙ୍ଗା କରି
ବରଷା ପାଣିରେ ଭଷାଇଣ କେତେ
ଉଠାଣି କରିବେ ପାରି ।
କାନ୍ଧରେ ଲଙ୍ଗଳ ମଥାରେ ପଗଡ଼ି
ହାତେ ପାଞ୍ଚଣର ବାଡ଼ି
ହଳ କରିଯିବେ କ୍ଷେତକୁ ହଳିଆ
ନେଇ ବଳଦର ଯୋଡ଼ି ।
ମନ୍ଦାର, ମାଳତୀ, ଟଗର, ସେବତି
ଫୁଟିବେ ଭଳିକି ଭଳି
ଛିଟପାରା ପ୍ରଜାପତି ଉଡ଼ି ଉଡ଼ି
ଦିଶୁଥିବେ ନାଲି ନେଳି ।
ଋତୁ ପରେ ଋତୁ ଆସେ ଗଣି ଗଣି
ନେଇ ନିଜ ନିଜ ଗୁଣ
ବିଧାତା ଗଢ଼ିଛି ସବୁ ଆମ ପାଇଁ
ଯାହା ପରେ ଯିଏ ପୁଣ ।
. ସମାପ୍ତ
_____●◆●_____
✍ ଅମରନାଥ ବାରିକ୍
💌 ଯାଜପୁର,ମଙ୍ଗଳପୁର,କୟାଁ
No comments:
Post a Comment