ଯେଉଁ ନର ହୁଏ କର୍ମରେ କର୍ମଠମିଳୁଥାଇ ତାକୁ ଦାନା ।
ବହୁ ଅରଜଇ ପେଟ ବି ପୁରଇ
ମିଳୁଥାଇ ତାକୁ କନା ।।
କର୍ମ ନୁହେଁ ଖାଲି ଜୀବନର ଏକ
ସବୁଠୁଁ ଅମୂଲ୍ୟ ଧନ ।
କରୁଥିଲେ କର୍ମ ସ୍ୱାସ୍ଥ୍ୟ ରୁହେ ସୁସ୍ଥ
ନିଶ୍ଚଳ ବି ରୁହେ ମନ ।।
ବସି ଖାଉଥିଲେ ନଈ ବାଲି ସରେ
ସମ୍ପଦ ବା କିସ ଛାର ।
ନିଅଣ୍ଟ ପଡଇ ଆଜୀବନ କାଳ
ହାତ ପାତେ ଘର ଘର ।।
ମାଆ ଅନ୍ନପୂର୍ଣ୍ଣା ପ୍ରସନ୍ନ ହୁଅନ୍ତି
କରୁଥିଲେ କ୍ଲାନ୍ତ ଶ୍ରମ ।
ଆଶାଠୁ ଅତ୍ୟନ୍ତ ଫଳ ଦେଇଥାନ୍ତି
ନ କରି ତିଳେ ବିଳମ୍ବ ।।
ମିଳଇ ବୈକୁଣ୍ଠ ପ୍ରାପ୍ତି ଇହ ଧାମେ
ଧନ ଜନ ପରିପୂର୍ଣ୍ଣ ।
ହୁଅଇ ଅଭାବ ଦୂର ସବୁ ତା 'ର
ମନସ୍କାମ୍ନ ହୁଏ ପୂର୍ଣ୍ଣ ।।
କର୍ମ ହିଁ ଈଶ୍ୱର କର୍ମ କରିଚାଲ
କର୍ମରେ ନିପୁଣ ରହି ।
ହାରିବାନି କେବେ ଜୀବନରେ ଆମେ
କର୍ମ କରୁଥିଲେ ଭାଈ ।।
କର୍ମରେ ଜୀଇଁବା କର୍ମରେ ମରିବା
କର୍ମ ସବୁଠାରୁ ବଡ଼ ।
ଯେଉଁ କର୍ମେ ହୁଏ ସମାଜେ ମଙ୍ଗଳ
ସେହି କର୍ମେ ଆଗେ ବଢ଼ ।।
ସମାପ୍ତ
____●◆●____
✍ ଅମରନାଥ ବାରିକ୍
💌 ଯାଜପୁର,ମଙ୍ଗଳପୁର,କୟାଁ
No comments:
Post a Comment