ଗ୍ରାମ୍ୟ ମଣିଷ

                 ✍ଅମୂଲ୍ୟ କୁମାର ଦାଶ
                     (ବିଜ୍ଞାନ ଶିକ୍ଷକ)

ଗ୍ରାମ୍ୟ ମଣିଷଟା ଭାରି ସରଳିଆ
             ଗାଁରେ  ଜନମ ତାର ।
ପର ଉପକାରୀ ସାହି ପଡ଼ିଶାର
            ଅଟଇ  ନିଃସ୍ଵାର୍ଥପର ।

ସମୟର ମୂଲ୍ଯ ବୁଝିଥାଏ ସିଏ
             କର୍ମକୁ କରି ଆଦର ।
ମଣିଷ ପଣିଆ ହୃଦୟେ ବହିଛି
            ତା ମନ ଅତି ସୁନ୍ଦର।

ପର ଆପଣାର ଭେଦଭାବ ନାହିଁ
          ବିଶ୍ୱାସୀ ସେ ସଭିଙ୍କର ।
ମିଳିମିଶି ଚଳି ଗାଁ ଲୋକେ ମେଳି
        ସର୍ବେ ହୋଇ ଏକା କାର।

କୃଷକ,କମାର,ତନ୍ତୀ, କୁମ୍ଭକାର
               ଶ୍ରମିକ ଓ କାରିଗର ,
ଜୀବିକା ଜଞ୍ଜାଳ ଭିତରେ ବୁଡିଣ
               ଶ୍ରମ ପାଇଁ ତତପର ।

ଗାଆଁପରିବେଶ   ଗାଆଁର ମଣିଷ
                   କରଇ ଅତି ନିଜର,
ପ୍ରକୃତିକୋଳରେ ଖେଳାଏ ସେହସ
              ଅନ୍ୟକୁ ଦେଇ ଆହାର ।

ଭାଗବତ  ଟୁଙ୍ଗୀ, ଗାଆଁ  ର ମନ୍ଦିର
                ସଂସ୍କୃତିର  କଳେବର,
  ସବୁ  ପରମ୍ପରା  ସାଇତି   ରଖିଛି
              ପରିଚୟ ଦେଇ ନିଜର ।

ଦୁଃଖର ସେ ସାଥୀ ସୁଖର ସେ ସାଥୀ
               ନକରି   ମନ୍ଦ   ବିଚାର,
  ଜନମ  ଯେଉଁଠି  ମରଣ  ସେଇଠି
             ଏ ପରା ମଣିଷ ଗାଆଁର ।

**********
ସାହି-ଦାଶରଥିନଗର,ତାଲୁକା ରୋଡ
ପୋଷ୍ଟ-- ଆସିକା, ଜିଲ୍ଲା-- ଗଞ୍ଜାମ
ପିନ୍-୭୬୧୧୧୦