✍ ଅଧ୍ୟାପକ ସୁବାସ ଚନ୍ଦ୍ର ସାହୁନୂଆଖାଇ ଆମ ପଶ୍ଚିମ ଓଡିଶା
ଗଣ ପର୍ବ ସଭିଙ୍କର
ଭାଦ୍ରବ ମାସର ଶୁକ୍ଳ ପକ୍ଷ ତିଥି
ହୁଏ ଉତ୍ସବ ମୁଖର ।
ଏ ତିଥି ଲଗନେ ପୂଜିତ ହୁଅନ୍ତି
ସମଲେଇ ଠାକୁରାଣୀ
ଘର ଲିପା ପୋଛା ନୂଆ ବସ୍ତ୍ର ପିନ୍ଧି
ସଜାନ୍ତି ଘରକୁ ପୁଣି ।
ଚୁଡା,ମହୁ,ଗୂଡ଼,ନୂଆ ବସ୍ତ୍ର ପିନ୍ଧି
ମିଶି ହୁଏ ଶ୍ରୀପ୍ରସାଦ
ଖାଆନ୍ତି ସରବେ ଖୁସି ମନ ଗର୍ବେ
ହୋଇଣ ସର୍ବେ ଆନନ୍ଦ ।
ବାଦ୍ୟ,ନାଚ,ଗୀତେ ଗାଁଆ'ଠୁ ସହର
ନାଚନ୍ତି ଆନନ୍ଦ ହୋଇ
ଭାଇ ଚାରା ଭାବ ସଭିଙ୍କ ମନରେ
ଦେଖିବାକୁ ମିଳିଥାଇ ।
ସମଲେଇ ପାଶେ ଜୀବନ ସମର୍ପି
କରନ୍ତି ଯେ ଭକ୍ତିଭାଵ
ବଡଙ୍କୁ ଜୁହାର ଗୁରୁଜନେ ଭକ୍ତି
ସ୍ନେହ,ମୈତ୍ରୀ,ପ୍ରୀତି ଭାଵ ।
ମନକୁ ଉଚାଟି ଚାହିଁ ରହିଥାନ୍ତି
ବ୍ୟାକୁଳ ହୋଇ ସରବେ
ପୁତ୍ର,ବୋହୁ,ଭାଇ ଏକାଠି ହୁଅନ୍ତି
ଏହିଯେ ଗଣ ପରବେ ।
ସମଲେଇ'ଙ୍କୁ ଯେ ନୂଆ ଭୋଗ ଦେଇ
ପୂଜନ୍ତି ଯେ ଖୁସି ମନେ
ଆନନ୍ଦ,ଉଲ୍ଲାସେ,ଆତ୍ମ ବିଭୋର'ରେ
ପୂଜନ୍ତି ବିଧି ବିଧାନେ ।
ମାଆ ସମଲେଇ ଅଭୟ ଦାୟିନୀ
କୃପା କର ମହାମାୟୀ
ଜଗତ ଜନନୀ ଅଭୟ ଦାୟିନୀ
ଆଶିଷ ଦେ ମାଆ ତୁହି ।
ଗ୍ରା/ପୋ-ପଦ୍ମପୁର,
ଜିଲ୍ଲା-ରାୟଗଡା
No comments:
Post a Comment