✍କଳ୍ପନା ରାୟ
ସରିତା ଆକାଶ ପାତାଳ ଭାବୁଥିଲା । କଣା ଚାଳରୁ ପାଣି ତଳ ମାଟିର ଅବସ୍ଥା ଦେଖି ହେଉ ନ ଥିଲା । ଘରର ସବୁ ବାସନ ଏଠି ସେଠି ସବୁଠି ରଖିସାରିଥିଲା । ତଥାପି ଦୁଇ ଚାରି ଯାଗା ପାଣି ଗଳୁଥିଲା । ଏ ବର୍ଷ ବହୁତ ଥର ପଞ୍ଚାୟତକୁ ଯାଇ ଘରଟିଏ ପାଇଁ କହିଥିଲା । ପଞ୍ଚାୟତର ସରପଞ୍ଚ ହଁ ହଁ କହିଚାଲିଥିଲେ । ତା'ପରେ ମହାମାରୀର କରାଳ ଛାୟା । କିଏ ଆଉ କଣ ଦେଖୁଛି ଯେ ତାର କାମ ହେବ । ଶାଶୁ ତାର ଆସିବାର କିଛି ମାସ ପରେ ଚାଲିଯାଇଥିଲେ ।
ପୁଅ ତାଙ୍କର କାହା ପାଖକୁ ଯାଇ ଗୁହାରି କରିବା କେହି ଦେଖିନି । ନିଜ କାମ ନିଜେ କରୁଥାଏ । ସେଥିପାଇଁ ଆଜି ଚାଳ ଉପରେ ଚଢି ଦୁଇ/ଚାରି ଵିଡା ଛଣ ଦେଇଛି । ଛୋଟ ପଣତ, ଏପଟେ ଟାଣିଲେ ସେପଟ ଖାଲି, କଣ ଏ ଲଘୁଚାପର ଲଗାଣ ବର୍ଷାକୁ ଅଟକାଇ ହେଉଛି । ଘରେ କଅଁଳିଆ ଛୁଆକୁ ଛାଡି କେଉଁଠିକୁ ଯାଇ ହେଉନି । ଘରେ ଯିଏ ଯାହା କାମ ଦେଉଛି କରୁଛି । ଚାରି/ପାଞ୍ଚ ମାସ ହେଲା ଫ୍ୟାକ୍ଟ୍ରିକୁ ଯାଉନି । ଯାହା ଯେମିତି ସଞ୍ଜୟ କରି ରଖିଥିଲା, ସବୁ ସରିଗଲାଣି ।
ସୂର୍ଯ୍ୟ ଭଲ ପିଲା । କିନ୍ତୁ ସାଙ୍ଗମାନଙ୍କୁ କିଛି କହି ପାରେନି । ଘରେ ଛ ମାସର ଛୁଆଟା । ବର୍ଷା ଅନବରତ ପଡୁଥିବାରୁ ଆଜି ଛିଙ୍କ କାଶ ଟିକିଏ ଟିକିଏ ହେଲାଣି । ସୂର୍ଯ୍ୟ ଏଇଠି ଯିଏ ଡାକିଲେ କାମକୁ ଯାଉଥିଲା । ପ୍ରଧାନମନ୍ତ୍ରୀଙ୍କ ଚାଉଳ, ଡାଲି ବହୁତ ଉପକାରରେ ଆସିଥିଲା । ସୂର୍ଯ୍ୟ ଯେଉଁଠି କାମ କରେ, ସେଠି ଦିନରେ ଖାଏ । ରାତିରେ ଚାଉଳ ଦିଟା ଵାଟି ରୋଷେଇ ପରେ କଦଳୀ ପତ୍ରରେ ବାନ୍ଧି ନିଆଁରେ ପକାଇ ଦିଏ ସରିତା । ଆଉ ରାତିରେ ଚୁଲି ଲଗାଇଵାକୁ ପଡେନା, ସେଥିରୁ ଵଳିଲେ ସିଏ ଖାଏ, ନ ହେଲେ ଅଙ୍ଗନବାଡି ଦିଦି ଦେଇଥିବା ଛତୁଆ ଖାଇ ଶୋଇପଡ଼େ ସରିତା । କେବେକେବେ ଦୁଇଜଣଯାକ ଛତୁଆ ଖାଆନ୍ତି ।ଅଙ୍ଗନୱାଡି ଦିଦିଙ୍କୁ ନେହୁରା ହୋଇ ଆଉ ଗୋଟେ ଅଧିକା ଆଣେ ।
ସେଦିନ ମଦ ପିଇ ଘରକୁ ପଶିଥିଲା ସୂର୍ଯ୍ୟ । ମନେ ମନେ ରାଗି ସରିତା ଆଉ କିଛି କହିଲା ନାହିଁ । ଘରେ ଗୋଟାଏ ଟଙ୍କା ନାହିଁ, ଛୁଆଟାର ଦେହ ଭଲ ନାହିଁ, ଡାକ୍ତରଖାନାରେ କଣ ଔଷଧ ଦେଇଥିଲେ ଦେଇଛି ତାକୁ ସରିତା । ଗୋଟିଏ ଵୋଲି ପିଲା ସରିତା ଆଉ ସୂର୍ଯ୍ୟର ସେ । ହେଲେ ଶୋଇବା ବସିବାକୁ ଯାଗା ନାହିଁ, ଲୁଗା ଶୁଖେଇଵାକୁ ଯାଗା ନାହିଁ, କାଲି ଯାଇ ପାଖ ବାବୁଙ୍କ ଘରୁ କିଛି ଲୁଗା କନାପଟା ମାଗି ଆଣିଥିଲା । ତିନିଦିନିଆ ଲଗାଣ ବର୍ଷା ତାଙ୍କର ରହିବା ଵ୍ୟଵସ୍ଥାକୁ ପୁରା ହଲାଇ ଦେଇଛି ।
ମଦ ପିଇ ଆସିବାର ଦେଖି ଚୁପ୍ ଚାପ୍ ଶୋଇପଡିଲା, ଡାକିଲେ ଶୁଣି ନ ଶୁଣିଲା ପରି ରହିବାକୁ ଠିକ୍ ମଣିଲା । ନା, ଆଉ ସହି ହେବନି, ଆଗରୁ ସାଙ୍ଗମାନଙ୍କ ସହ ମିଶି ଯାହା ତାହା ଖାଇ ଟଙ୍କା ଉଡାଉଥିଲା । ଏବେ ମଦପାଣି ଅଭ୍ୟାସ କରିବା ସହିତ ସ୍ତ୍ରୀ ଛୁଆକୁ ଧ୍ୟାନ ନାହିଁ, ସୂର୍ଯ୍ୟ ସରିତାକୁ ଡାକି ନ ଶୁଣିବାରୁ ଭାବିଲା ଛୁଆକୁ ଶୋଇ ଦେଉଥିଵ । ନିଜେ ଖାଇ ଶୋଇ ପଡିଲା ।
ସକାଳୁ ସରିତା ଉଠି ନିତ୍ୟକର୍ମ ସାରି ଛୁଆକୁ ଖାଇବାକୁ ଦେଇ ମଦ ଖାଉଥିବା ଲୋକଙ୍କର ସ୍ତ୍ରୀ ମାନଙ୍କୁ ଏକାଠି କରି ମଦ ଦୋକାନ ଆଗରେ ଥିବା ପ୍ରଶସ୍ତ ବାରଣ୍ଡାରେ ବସି ପଡ଼ିଲା - ମଦ ଦୋକାନ ବନ୍ଦ କରିବା ଆମର ଦାବି । ସ୍ତ୍ରୀ ଲୋକମାନେ ବର୍ଷାରେ ଵି ଏକାଠି ହେବା ଦେଖି ଓଟିଭିର ପୂଜା ଦିଦି ପ୍ରଥମେ ପହଞ୍ଚି ଓଟିଭିରେ ପ୍ରସାର କରିଥିଲେ । ଏହା ପରେ ଵେଳ ବଢି ଚାଲିଲା। ଏକାଠି ହୋଇଥିବା ନାରୀଙ୍କ ସଂଖ୍ୟା ବଢିଲା ସିନା କମିଲା ନାହିଁ। ଏ ମଦ ଦୋକାନ ରହିଥିବା ହେତୁ ଆମ ଘରର ଟଙ୍କାର ଅପଵ୍ୟୟ ହିଁ ହେଉଛି । ସୂର୍ଯ୍ୟ ଆସି ସରିତାକୁ ଵୁଝାଇବାକୁ ଚେଷ୍ଟା କରିଥିଲା, ମୁଁ ରାଣ ପକାଉଛି, ଆଉ ଖାଇଵି ନାହିଁ, ତା ଦେଖା ଦେଖି ବହୁତ ମଦୁଆ ଵି ସେହି ଏକା କଥା କହିଲେ ।
ସେ ଭଲ ଲୋକ ନୁହେଁ, ଆମେ ତ କିଣି ଖାଉଛୁ, ତାର ଦୋଷ କଣ । ତୁମେମାନେ ଧର୍ମଘଟ ବନ୍ଦକର। ଆମେ ଆଉ ଖାଇଵୁ ନାହିଁ ।
ଯେତେ କହିଲେ, ନାରୀମାନଙ୍କ ଶକ୍ତି ବଢିବାରେ ଲାଗିଲା । ଶେଷରେ ମନ୍ତ୍ରୀ ଆସିଲେ, ମଦ ଦୋକାନ ବନ୍ଦ ହେଲା ।
ଏମିତି କେତେ ଦିନ ଭଲରେ ଚାଲିଗଲା । ସୂର୍ଯ୍ୟ କାମକୁ ଯାଉଥିଲା । ଘରେ ବସି ବିଡି ତିଆରି କରୁଥିଲା ସରିତା । ଛୁଆଟା ଏଥର କୋଳ ଛାଡି ଟିକେ ଟିକେ ଚାଲୁଛି । ଏଥର ୟାକୁ ନେଇ ବି କାମକୁ ଯାଇହେବ ଵୋଲି ଵିଡି ତିଆରି କରିବା ସହ ଭାବୁଛି ସରିତା ।
ଆଜି ବି ବର୍ଷା ହେଉଛି । କୋଉଠି ଖାସି କଟାହେଉଥିଲା ଯେ ଅଢେଇଶହ ଟଙ୍କା ଦେଇ ଅଧକେଜି ମାଂସ ଓ ସବୁ ତେଲ ମସଲା ଦେଇ ଯାଇଛି ସୂର୍ଯ୍ୟ । ଆଜି ଖରାବେଳେ ଘରେ ଖାଇବ ବୋଲି କହିଥିବାରୁ ରୋଷେଇ ସାରି ଵିଡି ତିଆରି କରୁଛି ସରିତା ।
ସମୟ ଗୋଟାଏ ପାଖାପାଖି ଛୁଆଟି ଖେଳୁଛି । ଚାରି/ପାଞ୍ଚ ଜଣ ହଠାତ୍ ପଶି ଆସିଲେ ଘରକୁ । ଏମାନଙ୍କୁ କାହାକୁ ହେଲେ ଚିହ୍ନି ନ ଥିଲା ସରିତା । ତୁମେମାନେ କିଏ ?? କିଏ ?? କଣ ହେଲା କହୁ କହୁ ମାଡି ବସିଲେ ରାକ୍ଷସ ଭଳି । ମାନବ ଶୃଙ୍ଖଳ ତାଙ୍କ ପାଖରେ ଟିକିଏ ନ ଥିଲା । ଦେଖୁ ଦେଖୁ ସବୁ ଶେଷ । ରକ୍ତାକ୍ତ ଅବସ୍ଥାରେ ପଡିଥିଲା ସରିତା । ମାଆ ଶୁଣୁ ନ ଥିବାରୁ ଛୁଆଟା ଜୋରରେ କାନ୍ଦୁଥିଲା । ସେ ରାକ୍ଷସମାନଙ୍କର ଚିହ୍ନ ବର୍ଣ୍ଣ ନ ଥିଲା ।
ଖାଇବାକୁ ଅତି ଖୁସିରେ ପଶି ଆସିଲା ସୂର୍ଯ୍ୟ । ଛୁଆଟାର ପାଟି ଵାହାରକୁ ଶୁଭୁଛି । ସରିତା, ସରିତା କହି ପଶି ଆସିଲା ବେଳକୁ ନିଜ ଆଖିକୁ ଵିଶ୍ଵାସ କରି ପାରିଲାନି ସୂର୍ଯ୍ୟ । ଚାଣ୍ଡାଳୀ, ମୁଁ ସେଦିନ ତୋତେ ଏତେ ଵୁଝାଇଲି, ସେମାନେ ମଣିଷ ନୁହେଁ, ରାକ୍ଷସ । ତାଙ୍କ ସାଙ୍ଗରେ ଲାଗେନା । ସେମାନଙ୍କ ସାଥିରେ ସରକାର ଅଛି । ଏମାନେ ମଦ ବିକ୍ରିକଲେ ବେଶୀ ଟଙ୍କା ପାଉଛି ସରକାର । ସେଇଥିପାଇଁ ତ ଲକ୍ ଡାଉନରେ ସଵୁ ଦୋକାନ ବନ୍ଦ ହେଉଛି ମାତ୍ର ମଦ ଦୋକାନ ଖୋଲା । ଆମେ ତ ବୋକା । ଟଙ୍କା ଖର୍ଚ୍ଚ କରି ସେ ମଦ ଖାଉଛୁ, ଘରେ ଖାଇବାକୁ ପିନ୍ଧିଵାକୁ ନ ଥାଇ । ମୋ ସଂସାର ଭସେଇ ଦେଲୁ ଲୋ ସରିତା, କହି କାନ୍ଦି କାନ୍ଦି ସମସ୍ତଙ୍କୁ ଡାକୁଥିଲା ସୂର୍ଯ୍ୟ ।
ପୋଲିସ ଆସିଲା, ତା ପରେ ଚାଲିଲା ଅନୁସନ୍ଧାନ.........। ସୂର୍ଯ୍ୟର ସ୍ଵର ପାଣି ହୋଇ ଯାଇଥିଲା ବର୍ଷାର ଛିଟାରେ, ଆଉ ପିଲାଟିର ସ୍ବର.......???
କଳ୍ପନା ରାୟ, ସହକାରୀ ଶିକ୍ଷୟିତ୍ରୀ,
ଲଇଡା, ସମ୍ବଲପୁର ।
ସରିତା ଆକାଶ ପାତାଳ ଭାବୁଥିଲା । କଣା ଚାଳରୁ ପାଣି ତଳ ମାଟିର ଅବସ୍ଥା ଦେଖି ହେଉ ନ ଥିଲା । ଘରର ସବୁ ବାସନ ଏଠି ସେଠି ସବୁଠି ରଖିସାରିଥିଲା । ତଥାପି ଦୁଇ ଚାରି ଯାଗା ପାଣି ଗଳୁଥିଲା । ଏ ବର୍ଷ ବହୁତ ଥର ପଞ୍ଚାୟତକୁ ଯାଇ ଘରଟିଏ ପାଇଁ କହିଥିଲା । ପଞ୍ଚାୟତର ସରପଞ୍ଚ ହଁ ହଁ କହିଚାଲିଥିଲେ । ତା'ପରେ ମହାମାରୀର କରାଳ ଛାୟା । କିଏ ଆଉ କଣ ଦେଖୁଛି ଯେ ତାର କାମ ହେବ । ଶାଶୁ ତାର ଆସିବାର କିଛି ମାସ ପରେ ଚାଲିଯାଇଥିଲେ ।
ପୁଅ ତାଙ୍କର କାହା ପାଖକୁ ଯାଇ ଗୁହାରି କରିବା କେହି ଦେଖିନି । ନିଜ କାମ ନିଜେ କରୁଥାଏ । ସେଥିପାଇଁ ଆଜି ଚାଳ ଉପରେ ଚଢି ଦୁଇ/ଚାରି ଵିଡା ଛଣ ଦେଇଛି । ଛୋଟ ପଣତ, ଏପଟେ ଟାଣିଲେ ସେପଟ ଖାଲି, କଣ ଏ ଲଘୁଚାପର ଲଗାଣ ବର୍ଷାକୁ ଅଟକାଇ ହେଉଛି । ଘରେ କଅଁଳିଆ ଛୁଆକୁ ଛାଡି କେଉଁଠିକୁ ଯାଇ ହେଉନି । ଘରେ ଯିଏ ଯାହା କାମ ଦେଉଛି କରୁଛି । ଚାରି/ପାଞ୍ଚ ମାସ ହେଲା ଫ୍ୟାକ୍ଟ୍ରିକୁ ଯାଉନି । ଯାହା ଯେମିତି ସଞ୍ଜୟ କରି ରଖିଥିଲା, ସବୁ ସରିଗଲାଣି ।
ସୂର୍ଯ୍ୟ ଭଲ ପିଲା । କିନ୍ତୁ ସାଙ୍ଗମାନଙ୍କୁ କିଛି କହି ପାରେନି । ଘରେ ଛ ମାସର ଛୁଆଟା । ବର୍ଷା ଅନବରତ ପଡୁଥିବାରୁ ଆଜି ଛିଙ୍କ କାଶ ଟିକିଏ ଟିକିଏ ହେଲାଣି । ସୂର୍ଯ୍ୟ ଏଇଠି ଯିଏ ଡାକିଲେ କାମକୁ ଯାଉଥିଲା । ପ୍ରଧାନମନ୍ତ୍ରୀଙ୍କ ଚାଉଳ, ଡାଲି ବହୁତ ଉପକାରରେ ଆସିଥିଲା । ସୂର୍ଯ୍ୟ ଯେଉଁଠି କାମ କରେ, ସେଠି ଦିନରେ ଖାଏ । ରାତିରେ ଚାଉଳ ଦିଟା ଵାଟି ରୋଷେଇ ପରେ କଦଳୀ ପତ୍ରରେ ବାନ୍ଧି ନିଆଁରେ ପକାଇ ଦିଏ ସରିତା । ଆଉ ରାତିରେ ଚୁଲି ଲଗାଇଵାକୁ ପଡେନା, ସେଥିରୁ ଵଳିଲେ ସିଏ ଖାଏ, ନ ହେଲେ ଅଙ୍ଗନବାଡି ଦିଦି ଦେଇଥିବା ଛତୁଆ ଖାଇ ଶୋଇପଡ଼େ ସରିତା । କେବେକେବେ ଦୁଇଜଣଯାକ ଛତୁଆ ଖାଆନ୍ତି ।ଅଙ୍ଗନୱାଡି ଦିଦିଙ୍କୁ ନେହୁରା ହୋଇ ଆଉ ଗୋଟେ ଅଧିକା ଆଣେ ।
ସେଦିନ ମଦ ପିଇ ଘରକୁ ପଶିଥିଲା ସୂର୍ଯ୍ୟ । ମନେ ମନେ ରାଗି ସରିତା ଆଉ କିଛି କହିଲା ନାହିଁ । ଘରେ ଗୋଟାଏ ଟଙ୍କା ନାହିଁ, ଛୁଆଟାର ଦେହ ଭଲ ନାହିଁ, ଡାକ୍ତରଖାନାରେ କଣ ଔଷଧ ଦେଇଥିଲେ ଦେଇଛି ତାକୁ ସରିତା । ଗୋଟିଏ ଵୋଲି ପିଲା ସରିତା ଆଉ ସୂର୍ଯ୍ୟର ସେ । ହେଲେ ଶୋଇବା ବସିବାକୁ ଯାଗା ନାହିଁ, ଲୁଗା ଶୁଖେଇଵାକୁ ଯାଗା ନାହିଁ, କାଲି ଯାଇ ପାଖ ବାବୁଙ୍କ ଘରୁ କିଛି ଲୁଗା କନାପଟା ମାଗି ଆଣିଥିଲା । ତିନିଦିନିଆ ଲଗାଣ ବର୍ଷା ତାଙ୍କର ରହିବା ଵ୍ୟଵସ୍ଥାକୁ ପୁରା ହଲାଇ ଦେଇଛି ।
ମଦ ପିଇ ଆସିବାର ଦେଖି ଚୁପ୍ ଚାପ୍ ଶୋଇପଡିଲା, ଡାକିଲେ ଶୁଣି ନ ଶୁଣିଲା ପରି ରହିବାକୁ ଠିକ୍ ମଣିଲା । ନା, ଆଉ ସହି ହେବନି, ଆଗରୁ ସାଙ୍ଗମାନଙ୍କ ସହ ମିଶି ଯାହା ତାହା ଖାଇ ଟଙ୍କା ଉଡାଉଥିଲା । ଏବେ ମଦପାଣି ଅଭ୍ୟାସ କରିବା ସହିତ ସ୍ତ୍ରୀ ଛୁଆକୁ ଧ୍ୟାନ ନାହିଁ, ସୂର୍ଯ୍ୟ ସରିତାକୁ ଡାକି ନ ଶୁଣିବାରୁ ଭାବିଲା ଛୁଆକୁ ଶୋଇ ଦେଉଥିଵ । ନିଜେ ଖାଇ ଶୋଇ ପଡିଲା ।
ସକାଳୁ ସରିତା ଉଠି ନିତ୍ୟକର୍ମ ସାରି ଛୁଆକୁ ଖାଇବାକୁ ଦେଇ ମଦ ଖାଉଥିବା ଲୋକଙ୍କର ସ୍ତ୍ରୀ ମାନଙ୍କୁ ଏକାଠି କରି ମଦ ଦୋକାନ ଆଗରେ ଥିବା ପ୍ରଶସ୍ତ ବାରଣ୍ଡାରେ ବସି ପଡ଼ିଲା - ମଦ ଦୋକାନ ବନ୍ଦ କରିବା ଆମର ଦାବି । ସ୍ତ୍ରୀ ଲୋକମାନେ ବର୍ଷାରେ ଵି ଏକାଠି ହେବା ଦେଖି ଓଟିଭିର ପୂଜା ଦିଦି ପ୍ରଥମେ ପହଞ୍ଚି ଓଟିଭିରେ ପ୍ରସାର କରିଥିଲେ । ଏହା ପରେ ଵେଳ ବଢି ଚାଲିଲା। ଏକାଠି ହୋଇଥିବା ନାରୀଙ୍କ ସଂଖ୍ୟା ବଢିଲା ସିନା କମିଲା ନାହିଁ। ଏ ମଦ ଦୋକାନ ରହିଥିବା ହେତୁ ଆମ ଘରର ଟଙ୍କାର ଅପଵ୍ୟୟ ହିଁ ହେଉଛି । ସୂର୍ଯ୍ୟ ଆସି ସରିତାକୁ ଵୁଝାଇବାକୁ ଚେଷ୍ଟା କରିଥିଲା, ମୁଁ ରାଣ ପକାଉଛି, ଆଉ ଖାଇଵି ନାହିଁ, ତା ଦେଖା ଦେଖି ବହୁତ ମଦୁଆ ଵି ସେହି ଏକା କଥା କହିଲେ ।
ସେ ଭଲ ଲୋକ ନୁହେଁ, ଆମେ ତ କିଣି ଖାଉଛୁ, ତାର ଦୋଷ କଣ । ତୁମେମାନେ ଧର୍ମଘଟ ବନ୍ଦକର। ଆମେ ଆଉ ଖାଇଵୁ ନାହିଁ ।
ଯେତେ କହିଲେ, ନାରୀମାନଙ୍କ ଶକ୍ତି ବଢିବାରେ ଲାଗିଲା । ଶେଷରେ ମନ୍ତ୍ରୀ ଆସିଲେ, ମଦ ଦୋକାନ ବନ୍ଦ ହେଲା ।
ଏମିତି କେତେ ଦିନ ଭଲରେ ଚାଲିଗଲା । ସୂର୍ଯ୍ୟ କାମକୁ ଯାଉଥିଲା । ଘରେ ବସି ବିଡି ତିଆରି କରୁଥିଲା ସରିତା । ଛୁଆଟା ଏଥର କୋଳ ଛାଡି ଟିକେ ଟିକେ ଚାଲୁଛି । ଏଥର ୟାକୁ ନେଇ ବି କାମକୁ ଯାଇହେବ ଵୋଲି ଵିଡି ତିଆରି କରିବା ସହ ଭାବୁଛି ସରିତା ।
ଆଜି ବି ବର୍ଷା ହେଉଛି । କୋଉଠି ଖାସି କଟାହେଉଥିଲା ଯେ ଅଢେଇଶହ ଟଙ୍କା ଦେଇ ଅଧକେଜି ମାଂସ ଓ ସବୁ ତେଲ ମସଲା ଦେଇ ଯାଇଛି ସୂର୍ଯ୍ୟ । ଆଜି ଖରାବେଳେ ଘରେ ଖାଇବ ବୋଲି କହିଥିବାରୁ ରୋଷେଇ ସାରି ଵିଡି ତିଆରି କରୁଛି ସରିତା ।
ସମୟ ଗୋଟାଏ ପାଖାପାଖି ଛୁଆଟି ଖେଳୁଛି । ଚାରି/ପାଞ୍ଚ ଜଣ ହଠାତ୍ ପଶି ଆସିଲେ ଘରକୁ । ଏମାନଙ୍କୁ କାହାକୁ ହେଲେ ଚିହ୍ନି ନ ଥିଲା ସରିତା । ତୁମେମାନେ କିଏ ?? କିଏ ?? କଣ ହେଲା କହୁ କହୁ ମାଡି ବସିଲେ ରାକ୍ଷସ ଭଳି । ମାନବ ଶୃଙ୍ଖଳ ତାଙ୍କ ପାଖରେ ଟିକିଏ ନ ଥିଲା । ଦେଖୁ ଦେଖୁ ସବୁ ଶେଷ । ରକ୍ତାକ୍ତ ଅବସ୍ଥାରେ ପଡିଥିଲା ସରିତା । ମାଆ ଶୁଣୁ ନ ଥିବାରୁ ଛୁଆଟା ଜୋରରେ କାନ୍ଦୁଥିଲା । ସେ ରାକ୍ଷସମାନଙ୍କର ଚିହ୍ନ ବର୍ଣ୍ଣ ନ ଥିଲା ।
ଖାଇବାକୁ ଅତି ଖୁସିରେ ପଶି ଆସିଲା ସୂର୍ଯ୍ୟ । ଛୁଆଟାର ପାଟି ଵାହାରକୁ ଶୁଭୁଛି । ସରିତା, ସରିତା କହି ପଶି ଆସିଲା ବେଳକୁ ନିଜ ଆଖିକୁ ଵିଶ୍ଵାସ କରି ପାରିଲାନି ସୂର୍ଯ୍ୟ । ଚାଣ୍ଡାଳୀ, ମୁଁ ସେଦିନ ତୋତେ ଏତେ ଵୁଝାଇଲି, ସେମାନେ ମଣିଷ ନୁହେଁ, ରାକ୍ଷସ । ତାଙ୍କ ସାଙ୍ଗରେ ଲାଗେନା । ସେମାନଙ୍କ ସାଥିରେ ସରକାର ଅଛି । ଏମାନେ ମଦ ବିକ୍ରିକଲେ ବେଶୀ ଟଙ୍କା ପାଉଛି ସରକାର । ସେଇଥିପାଇଁ ତ ଲକ୍ ଡାଉନରେ ସଵୁ ଦୋକାନ ବନ୍ଦ ହେଉଛି ମାତ୍ର ମଦ ଦୋକାନ ଖୋଲା । ଆମେ ତ ବୋକା । ଟଙ୍କା ଖର୍ଚ୍ଚ କରି ସେ ମଦ ଖାଉଛୁ, ଘରେ ଖାଇବାକୁ ପିନ୍ଧିଵାକୁ ନ ଥାଇ । ମୋ ସଂସାର ଭସେଇ ଦେଲୁ ଲୋ ସରିତା, କହି କାନ୍ଦି କାନ୍ଦି ସମସ୍ତଙ୍କୁ ଡାକୁଥିଲା ସୂର୍ଯ୍ୟ ।
ପୋଲିସ ଆସିଲା, ତା ପରେ ଚାଲିଲା ଅନୁସନ୍ଧାନ.........। ସୂର୍ଯ୍ୟର ସ୍ଵର ପାଣି ହୋଇ ଯାଇଥିଲା ବର୍ଷାର ଛିଟାରେ, ଆଉ ପିଲାଟିର ସ୍ବର.......???
କଳ୍ପନା ରାୟ, ସହକାରୀ ଶିକ୍ଷୟିତ୍ରୀ,
ଲଇଡା, ସମ୍ବଲପୁର ।
No comments:
Post a Comment