ଜନ୍ମାଷ୍ଟମୀ ପାଳନ

 ✍ବାସନ୍ତୀ ଲତା ଜେନା  
 * = * = * = * = * = * = * = *

ଜନ୍ମାଷ୍ଟମୀ ପଡେ ଭାଦ୍ରବ ମାସରେ 
      କୃଷ୍ଣ ପକ୍ଷ ଅଷ୍ଟମୀରେ 
ଅବତାରୀ ବିଷ୍ଣୁ ଜନମ ନିଅଇ 
     ମାତା ଦେବକୀ ବର୍ଭରେ   l୧l 
ଅର୍ଦ୍ଧ ରାତ୍ର କାଳେ ଘନ ଅନ୍ଧକାରେ 
      ଜନ୍ମ ଝଡ଼ି ବରଷାର 
ସାରା କାରାଗାର ଉଜ୍ଜ୍ଵଳ ଦିଶଇ 
      ଆବିର୍ଭାବ ଗଦାଧର      l୨l
ପିତା ମାତାଙ୍କଠୁ ବେଡି ଖୋଲିଗଲା 
       ଜନ୍ମ ହେଲେ ଭଗବାନ 
ଜେଲର ଦ୍ୱlର ସବୁ ଖୋଲିଗଲା 
         ବର୍ଷିଲା ଝରା ଶ୍ରାବଣ   l୩l
ପ୍ରହରୀ ମାନେତ ନିଦ୍ରାରେ ଶୋଇଲେ 
      ଯିଏ ଯେଉଁ ଠାରେ ଥିଲେ 
ଶ୍ରୀକୃଷ୍ଣ ଆଦେଶେ ପିତା ବସୁଦେବ 
     ଗୋପପୁରେ ଛାଡ଼ି ଦେଲେ   l୪l
ଯମୁନା ନଦୀ ଯେ ବାଟ ଛାଡ଼ି ଦେଲା 
      ଶେଷ ନାଗ ହେଲେ ଛତା 
ବିଜୁଳି କନ୍ୟାକୁ ନନ୍ଦ ଘରୁ ଆଣି 
     ପତ୍ନୀକୁ ଦେଲେ ଦୁହିତା     l୫l 
ଗୋପ ପୁରେ ଲୀଳା କଲେ କେତେ
     କାହ୍ନl    
       ମାରିଲେ କେତେ ଅସୁର 
ମଥୁରାକୁ ଗଲେ କୁବୁଜା ତାରିଲେ 
         ମାରିଲେ କଂସ ଅସୁର   l୬l
ଜନ୍ମାଷ୍ଟମୀ ଦିନ ପାଳନ ହୁଅଇ 
        ଶ୍ରୀକୃଷ୍ଣଙ୍କ ଜନ୍ମ ଦିନ 
ଓଡ଼ିଶାର ଘରେ ଘରେ ପାଳି ଥାନ୍ତି 
      ଆନନ୍ଦ ଉଲ୍ଲାସ ମନ        l୭l
ପୁରୁଷ ରମଣୀ ଉଭୟେ ପାଳନ୍ତି 
      ଜନ୍ମାଷ୍ଟମୀ ଆନନ୍ଦରେ 
ଅର୍ଦ୍ଧ ରାତ୍ର କାଳେ ଶ୍ରୀକୃଷ୍ଣଙ୍କ ପାଖେ 
      ଭୋଗ ଲଗାନ୍ତି ଖୁସିରେ     l୮l 
ଗାଆଁ ଭାଗବତ ଟୁଙ୍ଗି ଘର ଠାରେ 
      ହରିବଂଶ ପଢା ଯାଏ 
ଶ୍ରୀକ୍ଷତ୍ର ଧାମରେ ବଡ଼ ଦେଉଳରେ 
      ଜନ୍ମାଷ୍ଟମୀ ପାଳl ଯାଏ     l୯l
ଅଧର୍ମର ନାଶ କରିବା ପାଇଁକି 
     ବିଷ୍ଣୁ ନେଲେ ଅବତାର 
ମହାଭାରତକୁ ଏଡାଇବା ପାଇଁ 
     ଶାନ୍ତି ଦୂତ ପାଣ୍ଡବର          l୧୦l
ମହାମାନୀ ଦୁର୍ଯ୍ୟୋଧନ ଅହଙ୍କାରୀ 
      ରାଜି ସେତ ନ ହୋଇଲା 
ଯୁଦ୍ଧକୁ ଆହ୍ୱାନ କରି ଥିଲା ସିଏ 
      ରାଜ୍ୟ ଫେରାଇ ନ ଦେଲା l ୧୧
ଅର୍ଜୁନଙ୍କ ରଥେ ସାରଥୀ ହୋଇଲେ 
     ମହାଭାରତ ଯୁଦ୍ଧର
କର୍ମ ଯୋଗ କଥା ଗୀତରେ କହିଲେ 
     ନୀତି ଶିକ୍ଷା ଦେଲେ ବୀର   l୧୨l
ଅର୍ଧମ ବିନାଶ କରି ଥିଲେ ସିଏ 
     ଧର୍ମର ସ୍ଥାପନ ପାଇଁ 
ଯୁଗେ ଯୁଗେ ତାଙ୍କ ଅକ୍ଷୟ କିରତି 
     ଗାଉଛି ଏ ଧରା ଭୂଇଁ       l୧୩l 

ଗାନ୍ଧିନଗର, ନବରଙ୍ଗପୁର  l