ସ୍ୱାଧୀନତା

ସ୍ୱାଧୀନତା ଆଜି ମୋ ଦେଶ ମାତାର 

 କୋଟି ଜନତାଙ୍କ ପାଇଁ 

ମୋ ଜାତି ପତାକା ଉଡେ ଫର ଫର 

ମୁକ୍ତିର ଗୀତିକା ଗାଇ    l୧l 

ସୁଜଳା ସୁଫଳା ମୋ ଦେଶ ଜନନୀ 

ସୁନାର ଭାରତ ଏହି 

ତାହାର ଗୌରବ ଅକ୍ଷୁର୍ଣ୍ଣ ରଖିବା 

ପ୍ରାଣ ବିସର୍ଜନ ଦେଇ      l୨l 

ତ୍ରିରଙ୍ଗା ପତାକା ତିନି ଗୋଟି ରଙ୍ଗ 

କେଶରୀ ଧଳା ସବୁଜ 

ଅଶୋକ ଚକ୍ରଟି ଘୋରି ଘୋରି କହେ 

ପ୍ରତି କ୍ଷଣେ ହୁଅ ସଜ       l୩l

କେଶରୀ ରଙ୍ଗଟି ବୀରତ୍ୱ ତ୍ୟାଗ ଯେ 

ଧଳା ଅଟେ ସତ୍ୟ ଶାନ୍ତି           

ସବୁଜ ରଙ୍ଗଟି ସମୃଦ୍ଧି ବିଶ୍ୱାସ 

ନୀଳ ନ୍ୟାୟ ଧର୍ମ ନୀତି      l୪l 

ଗଉରବ ଗାଥା ଗାଏ ମୋ ପତାକା 

ସମୀର ସାଥିରେ ମିଶି               

ସ୍ନେହ ପ୍ରେମ ଆଉ ବିଶ୍ୱାସ ରଖିବା 

ସ୍ୱାଧୀନ ଭାରତ ବାସୀ       l୫l 

ଜାତି ଧର୍ମ ଭେଦ ଆମ ଠାରେ ନାହିଁ 

ଏକ ମା'ସନ୍ତାନ ଆମେ 

ହିନ୍ଦୁ ଖ୍ରୀଷ୍ଟିୟାନ ମୁସଲିମ ଜୈନ 

ସ୍ୱଚ୍ଛତା ଆମରି କାମେ       l୬l 

ଆମେରେ ଯବାନ ବୀର ସଇନିକ 

ଦେଶ ମା'ର ରକ୍ଷା ପାଇଁ 

ଶତ୍ରୁ ସଙ୍ଗେ ଲଢ଼ି ପ୍ରାଣ ବଳି ଦେବୁ 

ମାଆର ସମ୍ମାନ ପାଇଁ       l୭l 

ବାସନ୍ତୀ ଲତା ଜେନା 

ଗାନ୍ଧିନଗର, ନବରଙ୍ଗପୁର