ହେ ଶ୍ୟାମ ****

ହେ ଶ୍ୟାମ...ଶକ୍ତି ଦେ ମୋତେ.... 

ସହିବାକୁ ଅପାର ଯାତନାରେ 
ଶବ୍ଦ ର କାଇଁଶିକା ତୀରରେ 
ଉତ୍ତରl ର ଗର୍ଭପାତ ଦୁଃଖରେ 
ଅଶାନ୍ତି ର ମେଘନାଦ ପ୍ରାଚୀରରେ.. 
ଅସହିଷ୍ଣୁ ର ବାଲିବନ୍ଧ ଭାସେ ରେ 
ପରଶ୍ରୀକାତର ଅଦିନିଆ ଢେଉ ରେ.. 
ନିତିଦିନିଆ ଚକ୍ରବାକ ଆସିବାରେ.. 
ଦୟନୀୟ ଜୀବନ ମରୁଭୂମିରେ.!!

ହେ ଶ୍ୟାମ ... ଶକ୍ତି ଦେ ମୋତେ... 

ନିକଟେ ଥିଲେ ବି. ଲାଗୁଚି ସତରେ... 
ଲକ୍ଷେ ଯୋଜନ ର ଥିଲା ପରି ଦୂରେ.. 
ଏଇ କଣ ଭଲପାଇବାର ପାଉଣା ହରେ 
ତୋର ଉପହାର ମାନି ସହିଯାଉଥିବି ରେ 
ଜୀବନ ର ଅସରନ୍ତି ଯାତନା ମୁହୂର୍ତ୍ତରେ !!

ହେ ଶ୍ୟାମ.... ଶକ୍ତି ଦେ ମୋତେ... 

ଦେଖିବାକୁ ଅନେକ ବିଚିତ୍ରତା..ଜୀବନରେ 
ସମୟ ର ଆସନ୍ତା କାଲି ର ପ୍ରତୀକ୍ଷା ରେ 
ଆଣିଦେବ ଅସରନ୍ତି ଖୁସି ଜୀବନ ହାଟ ରେ 
କିଣା ବିକା ବାକି ଅଛି ଦୁନିଆ ବଜାର ରେ 
କିଛି ଲାଭ,କିଛି କ୍ଷତି,ବାକି ଅଛି ସଂସାରେ !!

ହେ ଶ୍ୟାମ.. ଶକ୍ତି ଡେ ମୋତେ... 

ଅଶାନ୍ତି ର ଅଦିନିଆ କଳା ବାଦଲ..ଟା 
ଲିଭିଯାଉ ଆକାଶ ରୁ..ଜୀବନ ଶୂନ୍ୟତା 
ଫେରିବା ଆଶାରେ ଚାତକ ପକ୍ଷୀ ଟା ... 
ଚାହିଁଛି ଶୂନ୍ୟ ନଭ କୁ.ତୃଷାର୍ତ୍ତ ନୟନ ଟା.. 
ସତେ ଅବା ମୋତେ ମିଳିଯିବ..ଦୁଇଟା 
କର୍ତବ୍ୟ ଓ ବିଶ୍ୱାସ ଦି 'ଟୋପା ବାରି ଟା !!

ହେ ଶ୍ୟାମ .. ଶକ୍ତି ଦେ ମୋତେ...

ଦେଖିବାକୁ ମୋ ଜୀବନ ବଗିଚାରେ... 
କୁସୁମିତ ରଙ୍ଗ ଓ ସୁଗନ୍ଧ ପୁଲରେ 
ହସ ଖେଳିଯାଏ ମୋ ଅଗଣାରେ.. 
ଫେରିଆସୁ ଅମାନିଆ ଫଗୁଣ ଟା 
ପୁଲକିତ ହୋଉ ଅଶାନ୍ତ ପ୍ରାଣ ଟା !!

ହେ ଶ୍ୟାମ..ପ୍ରଣତି ତୋ ଚରଣେ... 
ମାଗୁଣି ମୋ ନ ଯାଉ ଅକାରଣେ 

"ହେ ଶ୍ୟାମ "

ନିର୍ମଳ ନାୟକ 
ନାଗପୁର, ମହାରାଷ୍ଟ୍ର