ସନ୍ଧ୍ୟା ସୁନ୍ଦରୀ

    ଶବ୍ଦ ଶିଳ୍ପୀ ତୂଳୀ ଧାରେ

        ତୁମେ ଅସାମାନ୍ୟା

                  ରୂପବତୀ

ଅଳସୀ ପ୍ରତିଚୀ ମୁକୁରେ

       ତୁମେ ଅପରୂପ

                 ପ୍ରତିମୂର୍ତି

କଲ୍ଲୋଳିତ ତୁମେ

         କାକଳୀର

              କୂଜନେ

ଯାତନାର ଯବନିକା

       ତୁମେ ଯାମିନୀ ର

             ଆଗମନେ

ଚନ୍ଦ୍ରାନନୀ ଗୋ

       ଚାରୁହାସିନୀ

            ଚନ୍ଦ୍ରଲେଖା

ବିଭାବରୀଅନ୍ତେ

      ମୃଦୁ ସମୀରଣ

           ସ୍ନିଗ୍ଧ ରେଖା

ମଲ୍ଲିକା ପ୍ରାଣର

      ତୁମେ ସୁରଭିତ

          ମଧୁମାସ

ଉତ୍ପଳ ନୟନେ

       ତୁମେ ପ୍ରଭାତ ର

           ଅବକାଶ

ନିଶିଗନ୍ଧାର

       ତୁମେପ୍ରଣୟ ର

             ପ୍ରତୀକ୍ଷା

ନବବଧୂ ପରାଣେ ଗୋ

      ଶୁଭ ସାହାନାଇ ର

             ସମୀକ୍ଷା

ବାରୁଣୀ ର ବକ୍ଷେ

      ତୁମେ ଆଗମନୀ

            ସ୍ବାଗତ

ଅରୁଣିମା ତୁମେ

      ସୁଗନ୍ଧ୍ଧିତ ଜୀବନ ର

           ସଂଗୀତ

ରଂଜିତା ପତି

ଗ୍ରାମ/ ପୋଷ୍ଟ - ଭଂଜନଗର, ଭଞ୍ଜଭୂମି
ଗଞ୍ଜାମ- ୭୬୧୧୩୧ ଓଡିଶା

For all support related issues or to reach our team, Please check below details.
Ph. +91 8668656155 | contact@spreadhappiness.co.in | Link : https://www.facebook.com/spreadhpy