ପ୍ରଶ୍ନ ଉଠେ କୃଷ୍ଣ କିଏ? ତାଙ୍କର ପ୍ରକୃତ ପରିଚୟ କଣ? କୃଷ୍ଣ ଶବ୍ଦ ର ଅନେକ ଅର୍ଥ ବାଖ୍ୟା ଆଜି ପର୍ଯ୍ୟନ୍ତ ଚାଲିଛି । "କୃଷ୍ "ଧାତୁ ରୁ କୃଷ୍ଣ ଶବ୍ଦ ର ଉତ୍ପତ୍ତି । କୃଷ ଧାତୁର ଗୋଟିଏ ଅର୍ଥ ହେଉଛି କର୍ଷଣ କରିବା, ଅନ୍ୟ ଅର୍ଥ ହେଉଛି ଆକର୍ଷଣ କରିବା । ଯେଉଁ ସତ୍ତା ବିଶ୍ୱର ସମସ୍ତ ସତ୍ତା କୁ ନିଜ ଆଡକୁ ଆକର୍ଷଣ କରୁଛନ୍ତି, ସେ ହିଁ କୃଷ୍ଣ । ତାହାଲେ କୃଷ୍ଣ ର ଅର୍ଥ ହେଉଛି ବିଶ୍ୱର ପ୍ରାଣ କେନ୍ଦ୍ର ।"କୃଷ୍ଣ"ଶବ୍ଦ ର ତୃତୀୟ ଅର୍ଥ ହେଲା "ଭୁ"ବାଚକ , ଅର୍ଥାତ୍ ଯେଉଁ ସତ୍ତା ଜୀବ ର ଅସ୍ଥିତ୍ଵ ବୋଧ ଭିତରେ ଲୁଚି ରହିଛି ସେ ହିଁ କୃଷ୍ଣ । କୃଷ୍ଣ ଅଛନ୍ତି ତେଣୁ ମୁଁ ଅଛି ଏବଂ କୃଷ୍ଣ ନଥିଲେ ମୋର ଅସ୍ଥିତ୍ଵ ସମ୍ଭବ ନୁହେଁ। ଅର୍ଥାତ୍ କୃଷ୍ଣଙ୍କର ଅସ୍ଥିତ୍ଵ ଉପରେ ହିଁ ମୋର ଅସ୍ଥିତ୍ଵ ନିର୍ଭର କରୁଛି । ପରମାତ୍ମା ପରମ୍ ପୁରୁଷ ତାଙ୍କର ଦିବ୍ୟ ଶକ୍ତିରୁ ଏହି ପରିଦୃଶ୍ୟ ମାନ ଜାଗଣ କୁ ସୃଷ୍ଟି କରନ୍ତି । ତେଣୁ ଆମେ କହୁ ବିଶ୍ୱର ପ୍ରତ୍ୟେକ ପ୍ରାଣୀଙ୍କର ଅସ୍ଥିତ୍ଵ ହେଉଛି ଦୈବ ଅସ୍ତିତ୍ବ । ତେଣୁ ପ୍ରତ୍ୟେକ ଜୀବିତ ସତ୍ତା ହିଁ ପରମ ଦୈବୀ ସତ୍ତା ର ଗୋଟିଏ ଗୋଟିଏ ଅବତାର ତେଣୁ କେହି ଘୁଣ୍ୟ ନୁହଁନ୍ତି ସମସ୍ତେ ଅମୃତସ୍ୟ ପୁତ୍ରାଃ। ପରମ ପୁରୁଷ ଯେତେବଳେ ସୃଷ୍ଟି କରନ୍ତି , ସେହି ଅବସ୍ଥା ରେ ସେ ହେଉଛନ୍ତି କାରଣ ବ୍ରହ୍ମ । କାରଣ ସେ ହିଁ ସୃଷ୍ଟିର ମୂଳ କାରଣ।ସେ ହିଁ କାରଣ ସତ୍ତା ଏବଂ ତାଙ୍କ ସୃଷ୍ଟ୍ ଏହି ବିଶ୍ଵ ହେଉଛି କାର୍ଯ୍ୟ ବ୍ରହ୍ମ ।
ପାର୍ଥ ସାରଥୀ ରୂପରେ କୃଷ୍ଣ ମଣିଷ ର ବୌଦ୍ଧିକ ସ୍ତର କୁ ଆଚ୍ଛନ୍ନ କରିଛନ୍ତି ।ସେମିତି ମାଧୂର୍ଯ୍ଯ ଶକ୍ତି ରେ ମନୁଷ୍ୟ ରେ ଦିବ୍ୟ ଭାବ ସ୍ତର କୁ ଆକର୍ଷିତ କରି ରଖିଛନ୍ତି । ଶ୍ରୀକୃଷ୍ଣ ଜନ୍ମ ଦିନ ରେ ଆସନ୍ତୁ ସଂକ୍ଳପ ନେବା ,ଶ୍ରୀକୃଷ୍ଣ ଙ୍କ ଦ୍ଵାରା ଶ୍ରୀମଦ ଭଗବତ୍ ଗୀତା ରେ ଦିଆଯାଇଥିବା ନିର୍ଦେଶ କୁ ଆମ ଜୀବନ ରେ ପ୍ରୟୋଗ କରି ଏକ ଦିବ୍ୟ ଜୀବନ ଲାଭ କରିବା ।
ଶ୍ରୀ କୃଷ୍ଣ ବନ୍ଦେ ଜଗତ ଗୁରୁମ୍
ଜ୍ୟୋତି ପ୍ରସାଦ
No comments:
Post a Comment