ଗୌରୀ ବେହେରା
:::::::::::::::::::::::::::::::::::::::::::::::::::::
ବରଷକୁ ବାରମାସ ଲୋ ସଜନୀ
ବରଷକୁ ବାରମାସ
ବାରମାସ ରେ ଯେ ଛଅଗୋଟି ଋତୁ
ପଞ୍ଚମ ଟି ଅଟେ ଶୀତ ଲୋ ସଜନୀ
ପଞ୍ଚମ ଋତୁଟି ଶୀତ.....।
କାର୍ତ୍ତିକେ ଆରମ୍ଭ ପୁଣି ମାଘରେ
ଶୀତ ର ଶେଷ ଲୋ ସଜନୀ
ମାଘରେ ଶୀତ ର ଶେଷ
ଏ ଚତୁରମାସେ ଶୀତ ର ପ୍ରଭାବେ
ଜନହେବେ ହନ୍ତସନ୍ତ....... ।
ଏହି ଶୀତ କାଳେ ଦିନ ଛୋଟ ହୋଇ
ରାତ୍ର ଯେ ବଡ଼ ହୋଇବ
ଦିଗବଳୟ ଯେ ଧୂଆଁଳିଆ ହୋଇ
ରାସ୍ତାଘାଟ ନ ଦିସିବ ଲୋ ସଜନୀ
ରାସ୍ତାଘାଟ ନ ଦିସିବ ... ।
ବୃକ୍ଷ ଡାଳେ ଥିବା ଶିଶିର ବିନ୍ଦୁ ଯେ
ମଣିପରି ଝଟକିବ ଲୋ ସଜନୀ
ମଣିପରି ଝଟକିବ
ଶୀତ କାକରକୁ ଖାତିରି ନକରି
ଚଷାଭାଇମାନେ ଶସ୍ୟ କାଟି
ଘରେ ବୋହି ଆଣିବେ ।
ମନ୍ଦାର, ସେବତୀ, ଗେଣ୍ଡୁ ,ଢାଲିଆ
ତରାଟ,କେଳି କୁସୁମ
ଗଙ୍ଗଶିଉଳି ସୋରିଷ ଫୁଲରେ
ଏ ଧରା ନାଚି ଉଠିବ ଲୋ ସଜନୀ
ଏ ଧରା ନାଚି ଉଠିବ ।
ବାରମାସେ ତେର ପର୍ବ ଲୋ ସଜନୀ
ବାରମାସେ ତେର ପର୍ବ
ପ୍ରଥମାଷ୍ଟମୀ,ଧନୁସଙ୍କରାନ୍ତି, ମାଣବସା ଗୁରୁବାର , ଶାମ୍ବ ଦଶମୀ ଓ ସରସ୍ଵତୀ
ପୂଜା ଏ ଋତୁ ରେ ପ୍ରଧାନ ଲୋ ସଜନୀ
ଏ ଋତୁ ରେ ପ୍ରଧାନ......।
ଶୀତ ଋତୁ ର ବର୍ଣ୍ଣନା କହିଲେ ନ
ସରିବ , ସାଙ୍ଗ ସାଥି ମେଳେ
ନିଆଁ ଶେକି ଶେକି ରାତ୍ର ଭି ଶେଷ ହୋଇବ
ଲୋ ସଜନୀ ରାତ୍ର ଭି ଶେଷ ହୋଇବ ।
::::::::::::::::::::::::::::::::::::::::::::::::::::::
ପାରଳାଖେମୁଣ୍ଡି, ଗଜପତି
::::::::::::::::::::::::::::::::::::::::::::::::::::::
No comments:
Post a Comment