°°°°°°°°°°°°°°°°°°°°°°°°°°°°°°°°°
ସୁକାନ୍ତ କୁମାର ନାୟକ (ଶିକ୍ଷକ )
*****************************
ବରଷକୁ ଥରେ
ଆସଇ ମକର
ପର୍ବ ମଧ୍ୟେ ହୋଇ ସାର,
ଆସୁଛି ବୋଲିସେ
ମନା କରନ୍ତି ନି
ହେୟ କରନ୍ତି ଅପାର |
ମକର ମନରେ
ଦୁଃଖର ଯନ୍ତ୍ରଣା
କାହାକୁ ଅବା ସେ କହିବ,
ସ୍ନେହ ପ୍ରେମ ଠାରୁ
ବହୁତ ଦୂରରେ
ସୁଖ ଶ୍ରଦ୍ଧା କିଏ ଦେବ |
ଭାବିଥିଲା ତହିଁ
ଆସିଛି ସେ ଧାଇଁ
ଖାଇବ ମକର ଭୋଗ,
ଭୋଗ କି ଖାଇବ
ଭୋଗ ମିଳେନାହିଁ
ତାକୁହିଁ କରନ୍ତି ତ୍ୟାଗ |
ପୂଜାରୀ ଦେଉନି
ଆଗ ଭଳି ପୁଣି
ହାତେ ଆଉ କ୍ଷୀର ଖୁଆ,
ମକର ବସିବା
ସପନ ହେଲାଣି
ହଜିଲାଣି ଆଖୁ ମୁଆଁ |
ମକର କାନ୍ଦୁଛି
ମୁହଁକୁ ଲୁଚାଇ
ଭାବି ତାର ପିଲାଦିନ,
ଏ ମଣିଷ ଆଜି
ଧୂନି ଭୁଲିଲାଣି
ଦେଇ ଖାଲି ଅପମାନ |
ଗୁଡ଼ି ଉଡାଇବା
ସାଙ୍ଗରେ ଖେଳିବା
ହେଲାଣି ସାତ ସପନ,
ମଳୟ ପରଶ
ଶିଶିରର ସ୍ପର୍ଶ
ହଜିଲାଣି ତାର ଦିନ |
ଖାଇ ପିଠା ପୁଳି
ଖେଳି ଲୁଚ କାଳି
ଢାଳି ଦେଇ ଯିବ ସ୍ନେହ,
ବରଷକ ପାଇଁ
ଆସି ନ ପାରିବ
ମକର ଆଖିରେ ଲୁହ |
>>>>>>>>>>>•<<<<<<<<<<<<
ନୁଣିପଡା ଶାସନ, ଗଞ୍ଜାମ
No comments:
Post a Comment