ନଳିନୀ ପ୍ରଭା ମିଶ୍ର
ଭାବ ଥିଲେ ମିଠା ବଢେ ଘନିଷ୍ଠତା
ବନ୍ଧୁ ବନ୍ଧୁର ସମ୍ପର୍କ
ଭାବ ଥିଲେ ସ୍ଵଚ୍ଛ ନୁହଁଇଟି ତୁଚ୍ଛ
କର୍ତ୍ତବ୍ୟ କର୍ମର ରୂପ।
ଭାବ ଥିଲେ ଉଚ୍ଚ ମିଳ ଇ ସର୍ବୋଚ୍ଚ
ବ୍ୟକ୍ତିତ୍ବ ଭରା ସମ୍ମାନ
ଭାବ ବଳେ ଭକ୍ତ ପ୍ରଭୁ ଆଲିଙ୍ଗନେ
ହୋଇଥାଏ ସନ୍ନିଧାନ।
ଭାବର ମଧୁର ଅହଂ କରେ ଦୂର
ପରକୁ କରେ ଆପଣା
ଭାବ ବିହ୍ଵଳିତ ମାନବ ଉଚ୍ଚାଙ୍ଗ
କବି ଭାବେ ହୁଏ ଗଣା।
ଭାବ କରିଥାଏ ଦାମ୍ପତ୍ୟକୁ ଦୃଢ଼
ଗୁରୁ ଶିଷ୍ୟର ସମ୍ପର୍କ
ଜ୍ଞାନ ଆହରଣେ ସମାଜରେ
ଦିନେ ଶିଷ୍ୟଟି ରଖ ଇ ଟେକ।
ଭାବର ପୀୟୂଷ ନୁହଁଇଟି ଶେଷ
କି! ଉପମା ତା'ପରେ ଦେବା
ଭାବ ଭରା ହୃଦ ସେ ଶ୍ରେଷ୍ଠ ସମ୍ପଦେ
ସେବା ବ୍ରତେ ବ୍ରତୀ ହେବା।
ମୁକୁନ୍ଦ ପୁର, ଆସ୍କା, ଗଞ୍ଜାମ
No comments:
Post a Comment