ନଳିନୀ ପ୍ରଭା ମିଶ୍ର
ଜୀବନଟା ଏକ ରଙ୍ଗମଞ୍ଚ
ଆମେ ସବୁ ତା'ର କଳାକାର
କିଏ ଅବତୀର୍ଣ୍ଣ ପିତା ଭୂମିକାରେ
କିଏ ଅବା ! ସଖା ସହୋଦର
ରଙ୍ଗମଞ୍ଚ ଏଇ ଜନ୍ମ ମାଟି ପରେ
ନାଟକର ଚାଲିଥାଏ ଖେଳ
ଯବନିକା ପରେ ବିଦାୟୀ ସର୍ବେ
ବୁଡିଗଲେ ଜୀବନ ର ବେଳ
କିଏ କେତେ ଖେଳ ପ୍ରଦର୍ଶାଇ ପାରେ
ଅନ୍ୟ ମନେ ଖୁସି ବାଣ୍ଟି ଦେଇ
ସମୟ ସ୍ରୋତରେ ସଂସାର ନୌକା
ନେଇଥାଏ ସଦା ବାହି ବାହି
ସତ୍ୟ କାର୍ଯ୍ୟ ପାଇଁ ଶୁଣେ ପ୍ରଶଂସା
ମନ୍ଦ କାମ ପାଇଁ ଛିଛିକାର।
କିଏ କେତେ ଦିନ ପାଇଁ ଆସିଥାଏ
ଜନ୍ମ ନେଇ ଏ ଦୁନିଆରେ
ସୁଖ ଦୁଃଖ ଯେତେ ବିଧାତା ର ଦାନ
ତାକୁ ଅବା! କିଏ ରୋକିପାରେ
ଧର୍ମ ଏକା ସିନା ମଣିଷ ର ସାଥୀ
ଲଘିଂ ଯାଇପାରୁ ପାରାବାର।
ଆସିଅଛେ ଆମେ ଶୃନ୍ୟତାକୁ ନେଇ
ଚାଲିଯିବା ଦିନେ ରିକ୍ତହସ୍ତେ
ଯିଏ ଯେତେ ଚାଲିଗଲେଣି ସଂସାରୁ
ନେଇଛି କିଏ କଣ ସାଥେ
ଆସିବା ଓ ଯିବା କେବଳ ହିଁ ଧ୍ରୁବ
ଭଙ୍ଗାଗଢା ଏଇ ଦୁନିଆଁ ର।
ଜଣେ ହିଁ ଦେଖୁଛି ଅନ୍ତରାଳେ ରହି
ରଙ୍ଗମଞ୍ଚ ନାଟକର ଦୃଶ୍ୟ
ପାପ ପୂଣ୍ୟ ର ନିକିତି କୁ ଧରି
ଆସିଯିବ ନେଇ କାଳଫାଶ
ଯାହା ଦେଇଥିବା ତାହା ପ୍ରାପ୍ୟ ଯୋଗ ଏ ସବୁ ବିଦାୟ ସମୟର।
ମୁକୁନ୍ଦ ପୁର, ଆସ୍କା, ଗଞ୍ଜାମ
No comments:
Post a Comment