କବିସୌରଭ କୈଳାଶଚନ୍ଦ୍ର ବେହେରା
ମକର ସ°କ୍ରାନ୍ତି ଭାରତ ବାସୀଙ୍କ
ଅଟଇ ଯେ ଗଣପର୍ବ ,
ଆନନ୍ଦ ମନରେ ପାଳନ୍ତି ସଭିଏଁ
ଆମର ଗର୍ବ ଗୌରବ ।
ଅରୁଆ ଚାଉଳ କ୍ଷୀର ଗୁଡ଼ ଅଦା
ପକାଇ କରନ୍ତି ଏହା ,
ମନ୍ଦିର ଭିତରେ ଠାକୁର ନିକଟେ
ପୂଜା କରାଯାଏ ତାହା ।
ପୂଜା କରିସାରି ପ୍ରସାଦ ରୂପରେ
ସଭିଙ୍କୁ ବାଣ୍ଟି ଦିଅନ୍ତି ,
ପରିବାର ମଧ୍ୟେ ସମସ୍ତ ସଭ୍ୟଙ୍କ
ମଙ୍ଗଳ ମନାସି ଥାନ୍ତି ।
ଝିଅ ସାଥେ ଝିଅ ପୁଅ ସାଥେ ପୁଅ
ବସି ଥାଆନ୍ତି ମକର ,
ଏକ ଆରେକକୁ ଖୁଆଇ ଚାଉଳ
ହୁଅନ୍ତି ଖୁସି ଅପାର ।
ବାଦ୍ୟ ତାଳେ ତାଳେ ନାଚ ଗୀତ କରି
ହସି ହସି କଟେ ଦିନ ,
ନୂଆଲୁଗା ପିନ୍ଧି ପିଠାପଣା ଖାଇ
ସଭିଙ୍କ ଆନନ୍ଦ ମନ ।
କାଠଗଣ୍ଡି ମଧ୍ୟେ ନିଆଁ ଲଗାଇଣ
ଶୀତକୁ ଦ୍ୟନ୍ତି ବିଦାୟ ,
ଋତୁମାନଙ୍କର ରାଜା ବସନ୍ତର
କରିଥାନ୍ତି ଜୟ ଜୟ ।
ବରଷକେ ଥରେ ମକର ସ°କ୍ରାନ୍ତି
ଏହି ଶୀତକାଳେ ଆସେ ,
ବନ୍ଧୁ ବାନ୍ଧବଙ୍କ ମେଳରେ କଟଇ
କେତେ ଅଭିନବ ବେଶେ ।
---------------------------------------
ବାଲିଗୁଡ଼ା , କନ୍ଧମାଳ
No comments:
Post a Comment