💖💖
ଜ୍ଞାନୀ, ତ୍ୟାଗୀ, ସନ୍ୟାସୀ , ଋଷି
ସାଧନାମାର୍ଗରେ ,
ହୁଅନ୍ତି ସର୍ବଦା ପଥ ପ୍ରଦର୍ଶକ
ପ୍ରତ୍ୟେକ ସମାଜରେ ।
ସେମାନଂକୁ ସମାଜେ ଦାର୍ଶନିକ ଅବା
ବିଜ୍ଞାନୀ କୁହନ୍ତି ,
ଇତିହାସ ଯାଏ ଲେଖି ବିଶ୍ଵ ବିଜୟୀ
ମୃତ୍ୟୁକୁ ଜିଣନ୍ତି ।
ସେହି ବାଣୀ ରହେ ଉଚ୍ଚ ସ୍ଥାନେ ତାହା
ଧାରା ସଂସ୍କୃତିରେ ,
ପାର୍ଥକ୍ୟ ଦେଖି ପାରେନା ପ୍ରାଚ୍ୟ ଓ
ପାଶ୍ଚାତ୍ୟ ମଧ୍ୟରେ ।
ଈଶ୍ୱର ନାହାନ୍ତି ମନ୍ଦିର ମଠରେ
ମଣିଷ ଦେହରେ ବ୍ରହ୍ମ ,
ଅଜ୍ଞ ଭାବନାରେ ସ୍ବାର୍ଥ ସାଧନରେ
ହରେଇଛେ ଏହି ମର୍ମ ।
ଅଭାବରେ ଦାର୍ଶନିକ ଅବା ବିଜ୍ଞାନୀ
ସାଧନା ଛାଡିନି କେବେ ,
ମନ ହୃଦୟରୁ ସ୍ୱାଭିମାନ ଫି
ଦେଇନାହିଁ ସେ ତ କେବେ ।
ପରାଧୀନ ପୂର୍ଣ୍ଣ କୁସଂସ୍କାରଛନ୍ନ
ଆମ ଭାରତ ଦେଶ ଥିଲା,
ମହାନ ସନ୍ତାନର ବାଣୀ ସମଗ୍ର
ବିଶ୍ବର ପଥ ପ୍ରଦର୍ଶକ ହେଲା ।
ମାଆ ଭୁବନେଶ୍ଵରୀ ପିତା ବିଶ୍ଵନାଥ
ଜନ୍ମ ସ୍ଥାନ କଲିକତା ,
ଗୁରୁ ରାମକୃଷ୍ଣ ସ୍ବାମୀ ବିବେକାନନ୍ଦ
ତାଙ୍କ ଜୀବନର ଗାଥା ।
ଅଠର ଶହ ତେଶଠି ମସିହାର
ଜାନୁୟାରୀ ବାର ଦିନ ,
ଜନମ ଲଭିଲେ ଭାରତ ଦେଶରେ
ବିବେକାନନ୍ଦ ମହାନ ।
ଜନମି ଥିଲେ ସେହି ବିଶ୍ୱ ପ୍ରସିଦ୍ଧ
ଦାର୍ଶନିକ ଆଜିର ଦିନରେ ,
ସାଧନା ବଳରେ ସତ୍ୟ ଧର୍ମ ବାଣୀ
ବାଣ୍ଟିଲେ ଗୁରୁଙ୍କ ବାଣୀରେ ।
ଭୋକିଲା ମୁହଁରେ ଆହାର ପ୍ରଦାନ
ପ୍ରକୃତ ମାନବ ଧର୍ମ ,
ନର ରୂପୀ ନାରାୟଣ ସେବା
ଜୀବନର ଅଟେ ଶ୍ରେଷ୍ଠ କର୍ମ ।
ତୁମେ ନବ ଜୀବନର ପଥ ଦେଖାଇ
ମାନବର ଧର୍ମ ଯାଇଚ ଶିଖାଇ ,
ଜ୍ଞାନ ସୁଗୁଣ ବୈଜ୍ଞାନିକ ପାଇଁ ଆମେ
ଗର୍ବିତ ମୋରହେ ଭଉଣୀ ଭାଇ ।
ନାରୀଙ୍କୁ ସଭିଏଁ ସମ୍ମାନ ଦେଲେ ଯାଇ
ଫେରିବ ଆମର ଖୁସିର ଦିନ, ହଜିଯିବ ସବୁଦୁଃଖ ଦିନ ଭାବନାରେ
ହୋଇଗଲେ ସଚେତନ ।
ଜାତି ଭେଦ ଭାବ ମନରେ ରଖିଛେ
ଦୂରାଇବା ଏ ଭାବନାକୁ ,
ମନେ ଉଚ୍ଚ ନୀଚ ଭାବନା ରଖି
ଆମେ ଭୂଲିଯିବା ସେ ସବୁକୁ ।
ବଦଳିଲେ ଘୃଣ୍ଯ ଭାବନା ଆମେ
ତାଙ୍କର ଦାୟାଦ ବୋଲାଇବା,
ସେଦିନ ଯାଇଁ ସେ ଦେଖାଇଛନ୍ତି
ଆଇନା ବୋଲି ଆମେ କହିବା ।
🌷🌷🌷🌷🌷🌷🌷
ଚିତ୍ତ ରଞ୍ଜନ ନନ୍ଦ
ଜଗତପୁର, କଟକ
💖💖#######💖💖
No comments:
Post a Comment