ମକର ସଂକ୍ରାନ୍ତି ଦିନେ

ସୁକାନ୍ତ ଖଣ୍ଡା

ମକର ଲୋ ତୁମେ ଆସିବ ନାହିଁକି

ମକର ସଂକ୍ରାନ୍ତି ଦିନେ

କେନ୍ଦୁଆ ତୁମକୁ ଆବାହନ କରେ

ଖୋଲିକି ହୃଦୟ କୋଣେ।୧

ଆମ ଆଡେ଼ ଆଜି ପତଙ୍ଗ ଉଡା଼ଇ

କେତେ ହେଉଅଛୁ ଖୁସି 

ତୁମେ ଆସିଥିଲେ ସାଙ୍ଗ ହୋଇଯାନ୍ତେ

ମନ ନ ଯାଆନ୍ତା ଋଷି।୨

ମକର ଲୋ ମୁହିଁ ରାତି ପାହାନ୍ତାରୁ

କୁମୁଟିଆ ନଦୀ ଜଳେ

ଗାଧୋଇ ପବିତ୍ର ମନରେ ଆସିଛି

ଏ ନୀଳକଣ୍ଠ ଦେଉଳେ।୩ 

ମକର ଲୋ ଆଜି ତୁମରି ନାମରେ

ଶହେ ବେଲପତ୍ର ନେଇ

ଏ ଶୁଭ ମକର ସଂକ୍ରାନ୍ତି ଦିନରେ

ଶୁଭାଶିଷ ମାଗୁଥାଇ।୪

ମୋହର ପାଖକୁ ଆସିବନି ଜାଣି

ରାତିରେ ଦେଖି ସପନ

ସେ ପାଇଁ ତ ଚାହେଁ ସୁଖ ଓ ସମୃଦ୍ଧି

ତୁମର ହେଲେ ମୁଁ ଧନ୍ଯ।୫ 

ବାରହାଟିପୁରାରେ ହେବନି ଏ ବର୍ଷ

ମକର ଯାତରା ବୋଲି

ଆସବନି ତୁମେ ଲେଖିଦେଇ ଥିଲ

ଚିଠିଟା ଏବେ ପଢି଼ଲି।୬

କଅଣ କରିବା କରୋନା ଖାଇବ

ବୋଲି ସରକାର ନୀତି

ପ୍ରଣୟନ କରି ଶାସନ କରନ୍ତି

ହୃଦୟରେ ଥୋଇ ଭିତି।୭

ମକର ଏ ବର୍ଷ ମାନ୍ଦା ହୋଇଯିବ

ଯାତରା ହେବନି ଆଉ

ଭଲ ହେଲା ଏଠି ନ ହେଉ ଯାତରା

କରୋନା ମରିଲେ ହେଉ।୮

ମକର ଲୋ ତୁମେ ନ ଆସିଲ ନାହିଁ

ଭଲରେ ଥାଅ ସେଠାରେ

ଏ କେନ୍ଦୁଆ ସଦା ମନେ ରଖିଥିବ

ହୃଦୟେ ଥୋଇଛି ବାରେ।୯

ମୋର ପାଇଁ ମୋଟେ ଭୁଲ ବୁଝିବନି

ଡାକି ପାରୁନାହିଁ ଯମା

କରୋନାକୁ ଡରି ଲୁଚି ରହିଥାଅ

ଏତିକି କରେ କାମନା।୧୦

                    ***

ଶିକ୍ଷକ ମକାଶୁଖିଲା ପ୍ରାଥମିକ ବିଦ୍ଯାଳୟ ପୋ-ଚକ୍ରଧରପୁର ଭା-ହରିଚନ୍ଦନପୁର ଜି-କେନ୍ଦୁଝର ପି-୭୫୮୦୨୮