ମକର ସଂକ୍ରାନ୍ତି

ବାସନ୍ତୀ ଲତା ଜେନା

ଶୀତ ସକାଳରେ ମକର ଆସିଛି   

ଶୀତକୁ ବିଦାୟ ଦେବ 

ସୂର୍ଯ୍ୟଙ୍କର ଗତି ଉତ୍ତରାୟଣ ଯେ

 ଆଜି ଠାରୁ ହୋଇ ଯିବ   l୧l

ସଂକ୍ରାନ୍ତି ହେଉଛି ସୂର୍ଯ୍ୟ ସଂକ୍ରମଣ

ଅନ୍ୟ ରାଶିକୁ ଚଳନ 

ଧନୁ ରାଶିରୁ ଯେ ମକର ରାଶିକୁ

କରି ଥାନ୍ତି ପଦାର୍ପଣ       l୨l

ମକର ସଂକ୍ରାନ୍ତି ହିନ୍ଦୁ ପର୍ବ ଏକ

ଘରେ ଘରେ ପାଳା ଯାଏ

ଚାଷିର ଅମଳ ଶେଷ ହୋଇ ଥାଏ

ଆନନ୍ଦେ ବିଭୋର ହୁଏ      l୩l

ନଡ଼ିଆ କଦଳୀ ଛେନା ଗୁଡ଼ ଘିଅ

ନୂଆ ଅରୁଆ ଚାଉଳ

କ୍ଷୀର ଅଳେଇଚ ମିଶାଇଣ ଦେଲେ

ହୁଏ ମକର ଚାଉଳ        l୪l

ଲଷ୍ମୀ ସୁରୁଜଙ୍କୁ ପୂଜା କରା ଯାଏ

ନୈବେଦ୍ୟ ଅର୍ପଣ କରି

ମକର ଚାଉଳ ପୂଜା କରା ଯାଏ

ବନ୍ଧୁତ୍ୱରେ ପ୍ରେମ ଭରି       l୫l

ଦିନ ବଡ଼ ହୁଏ ଏହି ଦିନ ଠାରୁ

ରାତି ଛୋଟିଆ ହୁଅଇ 

ଶୀତର ପରଶ କମି କମି ଯାଏ

ସୂର୍ଯ୍ୟଙ୍କର ତେଜ ପାଇଁ      l୬l

ଦ୍ୱାଦଶ ଯାତରା ମକର ସଂକ୍ରାନ୍ତି

ଶ୍ରୀମନ୍ଦିରେ ପଳା ଯାଏ

ମହୋଦଧି ଠାରେ ପ୍ରତ୍ୟୁଷର ସ୍ନାନ

ଶୁଭ ଫଳ ମିଳି ଥାଏ          l୭l

ଏହି ଦିନ ଲୋକେ ଗଙ୍ଗା ସାଗରରେ

ବୁଡ ପକାଇଣ ଥାନ୍ତି

ମକର ସଂକ୍ରାନ୍ତି ଗୁଡ଼ି ଉଡ଼ା ପର୍ବ

ଆନନ୍ଦେ ମାର୍ଜି ରହନ୍ତି        l୮l

ସ୍ନେହ ପ୍ରେମ ମୈତ୍ରୀ ସଦ୍ଭାବନା ଜାଗେ                                   ପର ଆପଣlଙ୍କୁ ଭୁଲି

ଦକ୍ଷିଣ ଭାରତେ ବଡ଼ ପର୍ବ ଏହା

କହନ୍ତି ପୋଙ୍ଗଲ ବୋଲି      l୯l

ଗାନ୍ଧିନଗର, ନବରଙ୍ଗପୁର