ଡ. ପ୍ରିୟମ୍ବଦା ସାମଲ
ଏ ଦେଶର ଇତିହାସେ
ଲେଖା ଯାର ନାମ ସ୍ବର୍ଣ୍ଣାକ୍ଷରେ
ଉତ୍କଳ ର ବୀର ପୁଣି
ଜଗନ୍ନାଥଙ୍କ ସେବକ
ସିପାହୀ ବିଦ୍ରୋହ ର
ବୀଜ ବପକ
ସେ ଆଉ କେହି ନୁହେଁ
ଚନ୍ଦନ ହଜୁରୀ
ହାତରେ ତୁଳସୀ ଚନ୍ଦନ
ଦୟଣାରମାଳ,
ଜଗନ୍ନାଥ ଙ୍କ ସେବକ
ପୁଣି ବଂଶାନୁକ୍ରମିକ
ଅସହାୟ ଝାନ୍ସୀ ରାଣୀ ଙ୍କ
ଚିଠି ପାଇ, ତୁଳସୀ ଚନ୍ଦନ
ହସ୍ତରେ ସାଜିଲା ରକ୍ତ ପିପାସୁ
ଶାଣିତ ତରବାରୀ,
ଶତ୍ରୁ ସଂହାର ପାଇଁ
ବଜ୍ର ଶପଥ
ଶତ ସିଂହ ର ବଳ,
ଛାତି ତଳେ ଜଳିଥିଲା
ଲେଲିହାନ ଶିଖା
ଉତ୍କଳ ମାତାର ବୀର ସୁତ
ସେ ଚାଖି ଖୁଣ୍ଟିଆ
ସିପାହୀ ବିଦ୍ରୋହ ର
ବୀଜ ବପନ କରି
ନାନା ସାହେବ, ତାତ୍ଯା ଟୋପେ
ମଙ୍ଗଳ ପାଣ୍ଡେଙ୍କ ସାଥେ ମିଶି
ଜଳାଇଲେ ବିଦ୍ରୋହ ର
ଲେଲିହାନ ଶିଖା
ପୁରୀରେ ଜନମୀ
ଜଗନ୍ନାଥ ସେବି
ଦେଶ ମାତ୍ରୁକାର
ପଦ ବନ୍ଦୀ, ଧନ୍ଯ
ଚାଖି! ତୁମ୍ଭ ଜନ୍ମ ଶୁଭଲଗ୍ନେ
ଅମର ହେ ତୁମ୍ଭେ
ଉତ୍କଳ ଭୂୁବନେ।
ଜବାହର ନବୋଦୟ ବିଦ୍ଯାଳୟ ଗଜପତି।
No comments:
Post a Comment