ଗଣତନ୍ତ୍ର ଗୀତିକା

ହେ! ଜନ ଗଣ ଟିକେ ମନ ଦେଇ ଶୁଣ

ଜନ ଗଣଙ୍କର ଗାଥାକୁ କରୁଛି ବଖାଣ ାା

ଭାରତବର୍ଷ ଯେ ଥିଲା ଦିନେ ଧନଧାନ୍ୟ

ସଂସ୍କୃତି ସଭ୍ୟତା ସ୍ଥାପତ୍ୟ ଶିଳ୍ପେ ନିପୁଣ ାା

କଳା ଓପରମ୍ପରାର ଥିଲା ଶ୍ରେଷ୍ଠ ନିଦର୍ଶନ

ସଂସ୍କାର ଯା ଛତ୍ରେ ଛତ୍ରେ ଜଡିତ ଧୂରୀଣ ାା

ଇଂରେଜଙ୍କ ଆଖି ଥିଲା କଟାସ ପ୍ରାୟେଣ

ପ୍ରବେଶିଲେ କୌଶଳରେ କରିଲେ ଶାସନ ାା

ଆଖିର ଲୋତକ ଧାର କରିଲା ମ୍ରିୟମାଣ

ଶାସନେ ଅତିଷ୍ଠ ଯେ ଭାରତର ଜନଗଣ ାା

ଉଦିତ ହୋଇଲେ ଦିନେକ ସେ ଶୁଭ ତପନ

କର ବା ମର ଡାକ ଯେ ଶୁଭିଲା ପ୍ରତିକ୍ଷଣ ାା

ଗାନ୍ଧିଜୀ,ଲାଲାଜୀ, ସୁବାଷ, ତିଳକ,ବିପିନ

ଜବାହର,ସର୍ଦ୍ଦାର, ଶାସ୍ତ୍ରୀଜୀ ଆଦି କାରଣ ାା

ନରମଚରମ ପନ୍ଥିଏଁ ରଚିଣ ନାନା ଭିଆଣ

ଏକତାର ମନ୍ତ୍ର ବଳେ ଆଣିଦେଲେ ସ୍ବାଧିନ ାା

ଉପସ୍ଥିତ ହେଲା ଆସି ସେ ପ୍ରତୀକ୍ଷିତ ଦିନ 

ସ୍ବାଧିନତା ସ୍ବାଦ ବାରିଲେ ଭାରତୀୟ ଜନ ାା

ଦେଶ ରୂପି ନାଆର ସର୍ବେ ନାଉରୀ ସାଜିଣ 

ମଙ୍ଗ ସଳଖିବାକୁ ନିଜର ଅଣ୍ଟା କଲେ ଟାଣ ାା

ରଚିଲେ ଜନ ଗଣଙ୍କ ହେତୁ ଶାସନ ବିଧାନ  

ଏ ଯୁଗେ ଖ୍ୟାତ ଯା ନାମ ଅଟେ ସମ୍ବିଧାନ ାା

ଆମ୍ବେଦକର ଙ୍କ ନେତୃତ୍ବେ ହେଲା ପ୍ରଣୟନ

ନିଜକୁ ନିଜେ ଶାସନର ବିଧି ଗଣତନ୍ତ୍ର ଜାଣ ାା

ଉଣେଇଶ ପଚାଶ ଜାନୁୟାରୀ  ଛବିଶି ଦିନ

ଗଣତନ୍ତ୍ର ଶାସନ ଭାରତେ ହେଲା ପ୍ରଚଳନ ାା

ସାଧାରଣ ଜନତାର ଏ ଶାସନେ ଯୋଗଦାନ

ସାଧାରଣତନ୍ତ୍ର ଦିବସ ନାମେରେ ଖାତ ଜାଣ ାା

ଲୋକ ପାଇଁ ଲୋକଙ୍କ ଦେଇ ଲୋକଙ୍କ ଶାସନ

ଗଣତନ୍ତ୍ର ନାମ ବହି କିଣେ ଏ କୋଟି ଜନମନ ାା

ଆସ ଆସ ଆମ୍ଭେ ସର୍ବେ ଏଇ କଥାକୁ ହେଜିଣ

ଉଡାଇବା ତ୍ରିରଙ୍ଗା ଧ୍ବଜା ଗର୍ବେ ଛାତି ଫୁଲାଇଣ ାା

ତ୍ରିନାଥ ବେହେରା, ବଡକୋଦଣ୍ଡା, ଗଞ୍ଜାମ