🕺🕺🕺 ସ୍ୱାର୍ଥକୁ ଛାଡି ପାଳିବା ଭାରତୀୟ ସରଳ ଜୀବନ 💃💃💃
ପାଇଛେ ସ୍ୱାଧୀନତା ଦେଶ ଆମେ ଚଳାଇବା
ନିତି ପ୍ରଣୟନ କରିବା ସମ୍ବିଧାନେ ନିର୍ଦ୍ଧାରିତ
ହେବ ଶ୍ରେଷ୍ଠ ରାଷ୍ଟ୍ର ଆମ ସାର୍ବଭୌମ ତନ୍ତ୍ର
ଏକତା ରଖି ସେ ମନ୍ତ୍ରେ ଗଢ଼ିବା ଅଖଣ୍ଡ ଭାରତ
ସ୍ବାଧୀନ ଭାରତେ ପାଳୁଛେ ସାଧାରଣ ତନ୍ତ୍ର ଦିବସ
ମୁକ୍ତିର ସଙ୍ଗୀତ ଗାଇ ବାଜା ବଜାଉଛେ
ପ୍ରତି ଜାନୁଆରୀ ମାସେ ତାରିଖ ଛବିଶେ ବାନା
ଆକାଶେ ଉଡ଼ାଇ ବୀରତ୍ବ ଗାଥା ଭାଷଣ ଶୁଣୁଛେ
ଆକାଶେ ଉଡ଼ାଏ ଆମେ ତ୍ରୀରଙ୍ଗାର ଧ୍ବଜା
ବଢ଼ିବ ଶାନ୍ତି,ମୌତ୍ରୀ ପ୍ରୀତି ସମୃଦ୍ଧି ବିଶ୍ବାସ
ଆମ ସାଧାରଣତନ୍ତ୍ରେ ଆସିବ ଗଣତନ୍ତ୍ର ପ୍ରୀତି
ଦୃଢ଼ ହେବ ଏକତା ଶକ୍ତି ରଖିଛେ ବିଶ୍ବାସ
ଉପଯୁକ୍ତ ଜ୍ଞାନ ଶିକ୍ଷା ବଳେ ଗଢ଼ି ପାରେ ପରା
ଆଜିର ଶିଶୁ କଅଁଳ କଢ଼ିଂକୁ କାଲିର ଭବିଷ୍ୟତ
କର୍ମ ବଳେ ସେ କରି ପାରେ ବିଚିତ୍ରମୟ ଦୁନିଆ
ସେହି ବାସ୍ନା ଚହଟି କରିବ ହୃଦୟକୁ ପ୍ରଫୁଲ୍ଲିତ
ଦେଖ ହେ ଭଉଣୀ ଭାଇ ଭାରତର ଏ କି ରୂପ
କାହିଁ ହେଲା ଏହି ଆମ ଦେଶ ବିଭାଜନ
ଆମର ଅଖଣ୍ଡ ଭାରତ ତ ବିଭକ୍ତ ହୋଇଲା
ଏହାରି ପଛରେ ଥିଲା ବ୍ରିଟିଶର ନୀତି ଜାଣ
ଇତିହାସ ନଜାଣି କହୁ ଅଛନ୍ତି ଲୋକ କେତେକ
ଏହା ହେଉଛି ପରା ପାକିସ୍ତାନ କୃତ
ଥିଲା କି ସେତେବେଳେ ପାକିସ୍ତାନ ବୋଲି କିଛି
କଣ୍ଟାକୁ କଣ୍ଟାରେ କାଢିବା ବ୍ରିଟିଶ ନୀତି ହେ ମିତ୍ର
କାହିଁ ଆଉ ସେହି ଭାବ ଦେଶ ପାଇଁ ରକ୍ତ ଦେବା
ଶାନ୍ତି ମୈତ୍ରୀ ପ୍ରୀତି ସମୃଦ୍ଧି ବିଶ୍ବାସ ହୋଇଛି ଛାର
ନିଜରେ ସୃଷ୍ଟି କରେ ନିତି ପର ବୋଲି ସନ୍ଦେହ ଭାବନା
ଦେଶରେ ଦେଖୁଛେ ଧର୍ମାନ୍ଧର ସୃଷ୍ଟ ହା ହା କାର
ନେତା ଆଜି ଅର୍ଥର ପୂଜାରୀ କଥାରେ ଦେଶଭକ୍ତି
ପୁଂଜିପତି ସ୍ବାର୍ଥେ ନେତା କରନ୍ତି ଘୃଣ୍ଯ ରାଜନୀତି
କଳଙ୍କିତ ମତାନ୍ଧ ମନ ଭରି ରହିଅଛି କଳଙ୍କ ସ୍ଵଭାଵ
ବୃଥା ଅହମିକା ଗ୍ରାସି ଅଛି, ଜନତା ଚାହୁଁଛି ମୁକତି
କାହିଁ ଆଉ ସେହି ଭାବ ଦେଶ ପାଇଁ ରକ୍ତ ଦେବା
ଶାନ୍ତି ମୈତ୍ରୀ ପ୍ରୀତି ସମୃଦ୍ଧି ବିଶ୍ବାସ ହୋଇଛି ଛାର
ନିଜରେ ସୃଷ୍ଟି କରେ ନିତି ପର ବୋଲି ସନ୍ଦେହ ଭାବନା
ଦେଶରେ ଦେଖୁଛେ ଧର୍ମାନ୍ଧର ସୃଷ୍ଟ ହା ହା କାର
ପୁରୁଷକୈନ୍ଦ୍ରିକ ଚେତନା ଏବେ ନିତି ହେଉଛି ପ୍ରଚାର
ନାରୀଟିଏ ଯାଇ ପାରେ ନାହିଁ ଏକା ଏକା
ଆଜି ନର ରାକ୍ଷସ କରି ନାରୀ ଅତ୍ୟାଚାର ଧର୍ଷଣ
ଲୋକସଭା ବିଧାନସଭାରେ ଦିଅନ୍ତି ଦେଖା
ଦେଖୁଛେ ମଣିଷ ଆଜି ବସିଛି ସ୍ୱାର୍ଥର ପାହାଡ଼େ
ଶୁଭୁ ଅଛି ଖାଲି ଅମଣିଷତ୍ୱର ସ୍ୱର
ସ୍ନେହ ପୂର୍ଣ୍ଣ ଭାବ କୁହ କାହିଁକି ଏବେ ଅଭାବ
ପିତା ପୁତ୍ର ଭାତୃ ଭଗ୍ନୀ ଭାବ ହୋଇଛି ଅସାର
ସମସ୍ତେ ଜାଣିବା କଥା ଅହମିକାରେ ପ୍ରକୃତିର ସୃଷ୍ଟ
ନୀତି ନିୟମ ନମାନି ଚାଲିଲେ ନଷ୍ଟ ହେବ ମଣିଷ ଜନ୍ମ
ସାର୍ଥକତା ପାଇଁ ମୂର୍ଖର ଲକ୍ଷଣ ଦୂର ହିଁ କରିଲେ
ବିଶ୍ୱରେ ପାଇବା ଶ୍ରେଷ୍ଠତ୍ୱ କରୁଥିବା ଯଦି ସୁକର୍ମ
ଚାଲ ନେବା ଶପଥ 2021ଜାନୁଆରୀ ଛବିଶେ
ଭରି ଦେବା ସଭିଙ୍କ ହୃଦୟେ ମନୁଷତ୍ୱ ଭାବ
ଜାଗ୍ରତ କରିବା ଜନତାଙ୍କୁ ପ୍ରକୃତି ବିରୋଧୀ ବିରୁଦ୍ଧେ
ଛାଡି ଧର୍ମାନ୍ଧତାର କଳଙ୍କିତ ମନ କଳଙ୍କ ସ୍ଵଭାଵ
ତ୍ରିରଙ୍ଗା ଆମର ଦିଅଇ ଆମକୁ ଦୃଢ଼ ପ୍ରେରଣା
ଶାନ୍ତି, ପ୍ରୀତି ଓ ମୈତ୍ରୀର ସତ୍ୟର ଦର୍ଶନ
ଭାରତ ମାତା କୀ ଜୟ ଧ୍ୱନୀ ନାଦରେ ଭୁଲିବା
ସ୍ୱାର୍ଥକୁ ଛାଡି ପାଳିବା ଭାରତୀୟ ସରଳ ଜୀବନ
-----------------------------------------------------
ଚିତ୍ତ ରଞ୍ଜନ ନନ୍ଦ
ଜଗତପୁର, କଟକ
-----------------------------------------------------
No comments:
Post a Comment