କଳ୍ପନା ରାୟ
ଜୀବନ ଜୀବିକା କଣ୍ଟକିତ ହୁଏ
ସବୁ ବିପରୀତ ହେଲେ
ବେଳେବେଳେ ଏହା ହଠାତ୍ ବି ଆସେ
ସମୟ କଷ୍ଟ ଆସିଲେ
ବିପଦ ଭିତରେ ଗଲେ
ଅସମ୍ଭବ କାର୍ଯ୍ୟ ହୁଏ ସମ୍ଭବ ବି
ଗର୍ଜନ ତର୍ଜନ କଲେ
ସମୟ କେବେ ବି ଏକା ଯାଏ ନାହିଁ
କଣ୍ଟା ଫୁଲ ମିଶିଥାଏ
କା' ସମୟ ଭରା କଣ୍ଟାରେ ତ ଭର୍ତ୍ତି
କଣ୍ଟକିତ ପଥ ସିଏ
ମଣିଷ ସଜେଇ ଦିଏ
ଭାଗ୍ୟର ପଥକୁ ସାଉଁଟି ସାଉଁଟି
ମଣିଷ ତ ସିଝିଯାଏ
କଣ୍ଟକିତ ପଥେ ସାଥି ଯଦି ଥାନ୍ତି
ପରିବାର ସାଙ୍ଗସାଥି
କଣ୍ଟା ସବୁ ଫୁଲ ପରି ଲାଗୁଥାନ୍ତି
ନ ଥାଏ କାହାରି ଭୀତି
କଷ୍ଟ ହେଲେ ବି ତରନ୍ତି
ଖରା ବର୍ଷା ଶୀତ ଡରେଇ ପାରନ୍ତି
ନା ପରିଶ୍ରମରେ ଶାସ୍ତି
କଷ୍ଟଭରା ଦିନ କଣ୍ଟକିତ ହୁଏ
କେହି ସାଥିରେ ନ ଥିଲେ
ନିଜ ଅଶ୍ରୁଜଳ ନିଜେ ଗଣୁଥାଏ
ଦୁଃଖ ଝରଣା ବି ସହେ
କ୍ଷତଭରା ଦିନ ସିଏ
ଯାତନା ଭରା ଜୀବନ ଜଞ୍ଜାଳରେ
ଦିନ ଫେରି ଫେରି ଯାଏ
କଳ୍ପନା ରାୟ, ସହକାରୀ ଶିକ୍ଷୟିତ୍ରୀ,
ଲଇଡା ବାଳିକା ଉଚ୍ଚ ବିଦ୍ୟାଳୟ,
ଲଇଡା, ସମ୍ବଲପୁର
No comments:
Post a Comment